July 04, 2022
July 04, 2022
ദോഹ : ഖത്തർ ലോകകപ്പിന് സുരക്ഷയൊരുക്കാൻ അമേരിക്കൻ പോലീസ് എത്തും.അമേരിക്കൻ ആഭ്യന്തര വകുപ്പായ ഹോംലാൻഡ് സെക്യൂരിറ്റിയിലെയും രഹസ്യാന്വേഷണ വിഭാഗങ്ങളിലെയും പോലീസ് ഉദ്യോഗസ്ഥരാണ് ഖത്തറിൽ എത്തുക.ഹോംലാൻഡ് സെക്യൂരിറ്റിയിലെ ഒരു ഉന്നത ഉദ്യോഗസ്ഥനെ ഉദ്ധരിച്ച് അന്താരാഷ്ട്ര മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.സെക്യൂരിറ്റി ആവശ്യങ്ങൾ പഠിക്കാൻ ഈ ആഴ്ച ഖത്തറിലെ എത്തുമെന്നും ഹോംലാൻഡ് സെക്യൂരിറ്റിയിലെ റോബ് സിൽവേർസ് പറഞ്ഞു.
മെഗാ സ്പോർട്സ് ടൂർണമെന്റുകൾ കൈകാര്യം ചെയ്യുന്നതിൽ അമേരിക്കക്കുള്ള പരിചയം കണക്കിലെടുത്താണ് അമേരിക്കൻ പോലീസ് ഉദ്യോഗസ്ഥരെ ദോഹയിൽ വിന്യസിക്കുന്നത്.
"ഖത്തറിൽ നിന്നും ഒരു ഉന്നതതല സംഘം അമേരിക്ക സന്ദർശിക്കും. എയർപോർട്ടിൽ ഞങ്ങൾ ഉപയോഗിക്കുന്ന സെക്യൂരിറ്റി സംവിധാനം അവർക്ക് പരിചയപ്പെടുത്തും. ലക്ഷക്കണക്കിന് ഫുട്ബാൾ ആരാധകർ ദോഹ സന്ദർശിക്കുന്ന പശ്ചാത്തലത്തിൽ ഞങ്ങളുടെ സുരക്ഷാ ക്രമീകരണങ്ങൾ അവർക്ക് പ്രയോജനപ്പെടുമെന്നും അദ്ദേഹം കൂട്ടിച്ചേർത്തു.
അമേരിക്കൻ രഹസ്യ പോലിസും ഖത്തറിൽ ഉണ്ടായിരിക്കുമെന്നും സൈബർ സെക്യൂരിറ്റി നൽകുമെന്നും അമേരിക്കൻ ഉദ്യോഗസ്ഥർ അറിയിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക