April 26, 2020
April 26, 2020
ദുബായ് : യു.എ.ഇയിൽ ഒരു മലയാളി ഉൾപെടെ ഇന്ന് അഞ്ചു പേർ കൂടി കോവിഡ് ബാധിച്ച് മരിച്ചു. ദുബായിൽ ഹോട്ടൽ മാനേജരായി പ്രവർത്തിച്ചു വരികയായിരുന്ന കണ്ണൂര് കാടാച്ചിറ മമ്മാക്കുന്ന് സ്വദേശി പാലക്കൽ അബ്ദു റഹ്മാൻ (55) ആണ് ദുബായിൽ മരിച്ചത്. ഇന്ന് പുലർച്ചെയായിരുന്നു അന്ത്യം. ഭാര്യ: റാബിയ. മക്കള്: റഹൂഫ്, റംഷാദ്, റസ്ലിയ, റിസ്വാന. മരുമക്കള്: അനീസ്, ഷുഹൈല്, ഫാത്തിമ, അര്ഫാന
ഇന്ന് 536 പേർക്കാണ് രാജ്യത്ത് പുതുതായി കോവിഡ് സ്ഥിരീകരിച്ചത്.ഇതോടെ മൊത്തം രോഗികളുടെ എണ്ണം 10,349 ആയി.91 പേരാണ് ഇന്ന് സുഖം പ്രാപിച്ചത്. ആകെ 1978 പേർ സുഖം പ്രാപിച്ചിട്ടുണ്ട്.ഇതുവരെ 76 പേരാണ് യു.എ.ഇയിൽ കോവിഡ് ബാധിച്ച് മരിച്ചത്.35,000 പേരിൽ പുതുതായി കോവിഡ് പരിശോധന നടത്തിയതായും ആരോഗ്യമന്ത്രാലയം അറിയിച്ചു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.