November 30, 2020
November 30, 2020
അബുദാബി : യു.എ.ഇ ദേശീയദിനത്തിന്റെ ഭാഗമായി അബുദാബിയില്‍ ഡിസംബര്‍ ഒന്ന് മുതല്‍ അഞ്ച് വരെ സൗജന്യ പാര്‍ക്കിങ് പ്രഖ്യാപിച്ചു. ചൊവ്വാഴ്‌ച രാവിലെ 7.59 മുതല്‍ ശനിയാഴ്‌ച വരെയാണ് ഈ ആനുകൂല്യം ലഭിക്കുകയെന്ന് അബുദാബി മുനിസിപ്പാലിറ്റി സമഗ്ര ഗതാഗത കേന്ദ്രം അറിയിച്ചു. മവാഖിഫ് പാര്‍ക്കിങ് പിഴയൊഴിവാക്കുമെങ്കിലും അനുവദനീയമല്ലാത്ത സ്ഥലങ്ങളിലും ഗതാഗതക്കുരുക്കുണ്ടാക്കും വിധവും വാഹനങ്ങള്‍ നിര്‍ത്തിയിടരുതെന്ന് വകുപ്പ് മുന്നറിയിപ്പ് നല്‍കി.
രാത്രി 9 മണി മുതല്‍ രാവിലെ 8 മണി വരെ റസിഡന്‍സ് പാര്‍ക്കിങുകളില്‍ അനുമതിയില്ലാത്ത വാഹനങ്ങള്‍ നിര്‍ത്തിയിടരുത്. ഇത്തരം സ്ഥലങ്ങളില്‍ നിര്‍ത്തിയിടുന്ന വാഹനങ്ങള്‍ക്ക് 200 ദിര്‍ഹം പിഴ ചുമത്തും. നാല് മണിക്കൂറിന് ശേഷവും വാഹനം മാറ്റിയില്ലെങ്കില്‍ അവ കണ്ടുകെട്ടും. ഗതാഗത വകുപ്പിന്റെ ഉപഭോക്തൃ സേവന കേന്ദ്രങ്ങള്‍ ഡിസംബര്‍ ആറിന് മാത്രമേ തുറന്നു പ്രവര്‍ത്തിക്കുകയുള്ളു. പൊതു ബസുകളും ബോട്ടുകളും അവധി ദിവസങ്ങളിലെ സമയക്രമത്തില്‍ സേവനം നടത്തും. സമഗ്ര ഗതാഗത കേന്ദ്രത്തെ വെബ്‌സൈറ്റ് വഴിയും 80088888 എന്ന നമ്പർ വഴിയും ബന്ധപ്പെടാം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
