February 12, 2021
February 12, 2021
ദുബായ് : യുഎഇയിൽ കാലാവധി കഴിഞ്ഞ വിസിറ്റിങ് വിസകൾ മാർച്ച് 31വരെ സ്വമേധയാ നീട്ടിയതായി റിപ്പോർട്ട്. ഡിസംബറിൽ വിസ തീർന്നവരുടെ കാലാവധിയും ഇത്തരത്തിൽ നീട്ടിയതായാണ് പലരും അറിയിച്ചത്. അതേസമയം, ഇത് സംബന്ധിച്ച് ഔദ്യോഗിക വിശദീകരണമൊന്നും വന്നിട്ടില്ലെങ്കിലും കാലാവധി കഴിഞ്ഞ വിസക്കാർ എമിഗ്രേഷന്റെ വെബ്സൈറ്റിൽ പരിശോധിച്ചപ്പോൾ കാലാവധി നീട്ടിയതായി കാണുകയായിരുന്നു.
മലയാളികൾ ഉൾപെടെ പലരും വിസ കഴിഞ്ഞും രാജ്യത്ത് തങ്ങുന്നതിനിടെയാണ് ആശ്വാസകരമായ വിവരം ലഭിക്കുന്നത്.നിരവധി പേരുടെ വിസാ കാലാവധി അടുത്ത ദിവസങ്ങളിൽ അവസാനിക്കാനിരിക്കുകയാണ്. കാലാവധി കഴിഞ്ഞ് തങ്ങിയാൽ വൻ തുക പിഴ അടക്കേണ്ടി വരും. സൗദി വിമാന വിലക്ക് അനിശ്ചിതമായി നീട്ടിയത് മൂലം എത്ര ദിവസം ഇവിടെ തങ്ങേണ്ടി വരുമെന്ന് അറിയാതെയാണ് പ്രവാസികൾ യു.എ.ഇയിൽ തുടരുന്നത്. വിസ പുതുക്കണമെങ്കിൽ ഏകദേശം 1000 ദിർഹമെങ്കിലും വേണ്ടിവരും. ഭക്ഷണം കഴിക്കാൻ പോലും പണമില്ലാത്ത അവസ്ഥയിൽ കഴിയുന്ന പ്രവാസികൾക്ക് ആശ്വാസ വാർത്തയാണ് വിസ കാലാവധി നീട്ടിയത്. അതേസമയം, ഔദ്യോഗിക സ്ഥിരീകരണമുണ്ടായാൽ മാത്രമേ പ്രവാസികൾക്ക് ഇക്കാര്യത്തിൽ ആശ്വസിക്കാൻ കഴിയൂ.
ന്യൂസ്റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.