August 18, 2021
August 18, 2021
ദുബായ് : താലിബാന്‍ അധികാരം പിടിച്ചതിനെ തുടര്‍ന്ന് രാജ്യംവിട്ട അഫ്ഗാനിസ്താന്‍ പ്രസിഡന്റ് അഷ്റഫ് ഗനിക്ക് യു.എ.ഇ അഭയം നല്‍കി. മാനുഷികപരിഗണന നല്‍കിയാണ് ഗനിക്കും കുടുംബത്തിനും അഭയം നല്‍കിയതെന്ന് യു.എ.ഇ വാര്‍ത്താ ഏജന്‍സി റിപ്പോര്‍ട്ട് ചെയ്തു.
ഞായറാഴ്ച താലിബാന്‍ സേന തലസ്ഥാനമായ കാബൂളില്‍ പ്രവേശിച്ചതിനെ തുടര്‍ന്ന് ഗനി അയല്‍ രാജ്യമായ തജിക്കിസ്താനിലേക്ക് രക്ഷപ്പെട്ടിരുന്നു. ഇവിടെ നിന്ന് ഇദ്ദേഹം കുടുംബത്തോടൊപ്പം ഒമാനിലെത്തിയതായി പിന്നീട് റിപ്പോര്‍ട്ട് പുറത്തുവന്നിരുന്നു.ഇതിനു പിന്നാലെ, ബുധനാഴ്ച വൈകുന്നേരത്തോടെയാണ് യു.എ.ഇയില്‍ എത്തിയതായി സ്ഥിരീകരണം വന്നത്. 2014 മുതല്‍ ആറുവര്‍ഷത്തിലേറെ അഫ്ഗാന്‍ പ്രസിഡന്‍റായിരുന്നു ഗനി.
