December 22, 2021
December 22, 2021
കുവൈത്ത് സിറ്റി : ഡിസംബർ 23 ന് യുഎഇയിൽ ആരംഭിക്കുന്ന അണ്ടർ 19 ഏഷ്യാ കപ്പിനുള്ള കുവൈത്ത് ടീമിൽ രണ്ട് മലയാളികളും. കോട്ടയം ജില്ലയിലെ കടുത്തുരുത്തി സ്വദേശി ഹെന്റി തോമസും, എറണാകുളം ഇടപ്പള്ളിക്കാരനായ ഈഥൻ സഞ്ജയ് ചെറിയാനുമാണ് ടീമിൽ ഇടംപിടിച്ചത്.
അബ്ബാസിയ യുണൈറ്റഡ് ഇന്ത്യൻ സ്കൂളിലെ പത്താം ക്ലാസ് വിദ്യാർത്ഥിയായ ഹെന്റി, ഇബ്നുസീന ആശുപത്രിയിലേ നേഴ്സായ തോമസ് ജോസഫിന്റെയും, അൽ ബഹർ ആശുപത്രിയിൽ നേഴ്സായ ബിജി ജേക്കബിന്റെയും മകനാണ്. സാൽമിയ ഇന്ത്യൻ സ്കൂളിൽ പത്താം ക്ലാസ് വിദ്യാർത്ഥിയാണ് ഈഥൻ. ഗൾഫ് സാറ്റിലെ എൻജിനീയറായ സഞ്ജയ് ബാബു, ഹിൽറ്റിയിലെ ആർക്കിടെക്റ്റ് ആയ നിർമല എന്നിവരാണ് മാതാപിതാക്കൾ. ഇരുവരെയും കൂടാതെ
മഹാരാഷ്ട്ര, രാജസ്ഥാൻ എന്നിവിടങ്ങളിൽ നിന്നുള്ള ഇന്ത്യൻ സ്വദേശികളും ടീമിൽ ഇടംപിടിച്ചിട്ടുണ്ട്. ഡിസംബർ 24 ന് ശ്രീലങ്കയുമായാണ് കുവൈത്തിന്റെ ആദ്യ മത്സരം.
