January 10, 2022
January 10, 2022
അബുദാബി : വാക്സിനേഷൻ പ്രക്രിയ പൂർത്തിയാക്കാത്ത പൗരന്മാർക്ക് ഇന്നുമുതൽ യുഎഇയിൽ നിന്നും വിദേശത്തേക്ക് യാത്ര ചെയ്യാനാവില്ല. കോവിഡ് കേസുകൾ വർധിക്കുന്നത് പരിഗണിച്ചാണ് ഈ നടപടി. രണ്ട് ഡോസും സ്വീകരിച്ച ആളുകൾ ബൂസ്റ്റർ ഡോസ് സ്വീകരിക്കാൻ തയ്യാറാവണമെന്ന് അധികൃതർ അപേക്ഷിച്ചു.
ആരോഗ്യപരമായ കാരണങ്ങൾ കാരണം വാക്സിൻ എടുക്കാതിരുന്നവർ, മാനുഷിക പരിഗണന അർഹിക്കുന്നവർ, ചികിത്സാർത്ഥം യാത്ര ചെയ്യുന്നവർ മുതലായവർക്ക് വാക്സിൻ എടുക്കുന്നതിൽ ഇളവുകൾ ഉണ്ടെന്നും ദേശീയ ദുരന്ത നിവാരണ അതോറിറ്റിയും വിദേശകാര്യ മന്ത്രാലയവും അറിയിച്ചു. നിലവിൽ മുപ്പതിനായിരത്തോളം രോഗികളാണ് യുഎഇയിൽ കോവിഡ് ബാധിച്ചു ചികിത്സയിൽ കഴിയുന്നത്. ഇന്നലെ 2759 പേർക്കാണ് രാജ്യത്ത് പുതുതായി രോഗം സ്ഥിരീകരിച്ചത്