January 05, 2022
January 05, 2022
ദോഹ : രാജ്യത്ത് കോവിഡ് വ്യാപനം ശക്തിയാർജ്ജിച്ച സാഹചര്യത്തിൽ, കോവിഡ് ഇതര രോഗങ്ങളുമായി ബന്ധപ്പെട്ട അന്വേഷണങ്ങൾക്ക് ടോൾഫ്രീ നമ്പർ ഉപയോഗിക്കണമെന്ന് ആരോഗ്യമന്ത്രാലയം അഭ്യർത്ഥിച്ചു. 16000 എന്ന നമ്പറിൽ വിളിച്ച്, 3 അമർത്തിയാൽ ഈ സേവനം ലഭ്യമാവും. മാനസിക ആരോഗ്യവുമായി ബന്ധപ്പെട്ട സംശയങ്ങൾക്ക് 4 ആണ് അമർത്തേണ്ടത്.
ഞായർ മുതൽ വ്യാഴം വരെ രാവിലെ 8 മണി മുതൽ ഉച്ചയ്ക്ക് 3 മണി വരെ ഈ സേവനം ലഭ്യമാണ്. ഡോക്ടറുമായി സംസാരിക്കാനും, ആവശ്യമായ മാർഗനിർദേശങ്ങൾ ലഭിക്കാനും ഈ സർവീസിലൂടെ കഴിയും. ജനറൽ മെഡിസിൻ, ന്യൂറോളജി, പീഡിയാട്രിക്സ്, ഗൈനക്കോളജി, സർജറി, ഇ.എൻ.ടി തുടങ്ങി പന്ത്രണ്ടോളം വിഭാഗങ്ങൾ ഈ സർവീസിലൂടെ പ്രവർത്തിക്കുമെന്നും ആരോഗ്യമന്ത്രാലയം അറിയിച്ചു.
