January 25, 2022
January 25, 2022
ദോഹ : ഇൻഡസ്ട്രിയൽ ഏരിയയിലെ കടകളിൽ മോഷണം നടത്തിയ രണ്ടുപേരെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. ആഭ്യന്തര മന്ത്രാലയത്തിന് കീഴിൽ പ്രവർത്തിക്കുന്ന ഇൻവെസ്റ്റിഗേഷൻ സംഘമാണ് ആഫ്രിക്കൻ സ്വദേശികളായ പ്രതികളെ അറസ്റ്റ് ചെയ്തത്.
മേഖലയിൽ മോഷണം വ്യാപകമായതായി നിരവധി പരാതികൾ ലഭിച്ചിരുന്നു. ചോദ്യം ചെയ്യലിൽ പ്രതികൾ കുറ്റം സമ്മതിച്ചതായും, മോഷ്ടിച്ച നിരവധി വസ്തുക്കൾ ഇവരിൽ നിന്നും കണ്ടെടുത്തതായും ആഭ്യന്തര മന്ത്രാലയം അറിയിച്ചു. കടകളിലെ സീസീടീവി കാമറകൾ സ്ഥാപിക്കാനും, വാതിലുകളും ജനലുകളും സുരക്ഷിതമാണെന്ന് ഉറപ്പുവരുത്താനും അധികൃതർ കടയുടമകളോട് നിർദേശിച്ചു.