May 09, 2023
May 09, 2023
ന്യൂസ്റൂം ബ്യുറോ
ദോഹ : ഖത്തർ കൾച്ചറൽ ഫോറം തൃശൂർ ജില്ലാ കമ്മിറ്റി 'ഹാസ്യ സാമ്രാട്ടുകളെ ഓർക്കുമ്പോൾ' എന്ന പേരിൽ മാമുക്കോയ, ഇന്നസെന്റ് അനുസ്മരണം സംഘടിപ്പിച്ചു. മലയാള സിനിമയിൽ ചിരിയുടെ ചരിത്രം തീർത്ത കലാകാരന്മാരെ അനുസ്മരിക്കുന്ന പരിപാടി ഇന്ത്യൻ കൾച്ചറൽ സെന്റർ അംഗം അഡ്വ.ജാഫർ ഖാൻ ഉദ്ഘാടനം ചെയ്തു. ചിരിപ്പിക്കുക മാത്രമല്ല, ചിന്തിപ്പിക്കുകയും ജീവിത പ്രതിസന്ധികളെ എങ്ങനെ തരണം ചെയ്യണമെന്ന് പഠിപ്പിക്കുകയും നിലപാടുകൾ തുറന്ന് പറയാനുള്ളതാണെന്ന് ഓർമിപ്പിക്കുകയും ചെയ്ത കലാകാരന്മാരായിരുന്നു ഇന്നസെന്റും മാമുക്കോയയുമെന്ന് ഉൽഘാടന പ്രസംഗത്തിൽ അദ്ദേഹം അനുസ്മരിച്ചു.
കൾച്ചറൽ ഫോറം തൃശൂർ ജില്ലാ പ്രസിഡന്റ് അബ്ദുൽ വാഹിദ് അധ്യക്ഷത വഹിച്ചു. നിഹാസ് എറിയാട്, മർസൂഖ്, അനീസ് റഹ്മാൻ മാള എന്നിവർ സംസാരിച്ചു. ഖത്തറിലെ കലാകാരന്മാരായ വസന്തൻ പൊന്നാനി, മല്ലിക ബാബു, മശ്ഹൂദ് തങ്ങൾ, ഫൈസൽ എന്നിവർ വ്യത്യസ്ത കലാവിഷ്കാരങ്ങൾ അവതരിപ്പിച്ചു. ജില്ലാ കമ്മിറ്റി അംഗം സലീം എൻ.പി സ്വാഗതവും കൾച്ചറൽ ഫോറം തൃശൂർ ജില്ലാ സെക്രട്ടറി അൽജാബിർ നന്ദിയും പറഞ്ഞു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL