September 29, 2021
September 29, 2021
ഹാമിഷ് റോഡിഗ്രസിന് പിന്നാലെ ഫ്രഞ്ച് താരം സ്റ്റീവൻ എൻസോൻസിയും ഖത്തർ ലീഗിലേക്ക്. ലോകകപ്പ് നേടിയ ഫ്രഞ്ച് ടീമിൽ ഉൾപ്പെട്ട താരം അൽ റയ്യാനുമായി കരാർ ഉറപ്പിച്ചതായി ക്ലബ്ബിനോടടുത്ത വൃത്തങ്ങൾ അറിയിച്ചു.
എഫ്സി റോമയുടെ താരമായ മുപ്പത്തിരണ്ടുകാരൻ കഴിഞ്ഞ രണ്ട് സീസണുകളിലും ലോൺ അടിസ്‌ഥാനത്തിൽ ഗലറ്റസറായ്, റെന്നസ്‌ എന്നീ ക്ലബ്ബുകൾക്ക് വേണ്ടി പന്തുതട്ടിയിരുന്നു. ഫ്രാൻസിനായി ലോകകപ്പ് നേടിയിട്ടുള്ള ഇതിഹാസതാരം ലോറന്റ് ബ്ലാങ്ക് ആണ് അൽ റയ്യാന്റെ പരിശീലകൻ.
