December 25, 2021
December 25, 2021
ഷാർജ : 'എല്ലാ മൃഗങ്ങളും തുല്യരാണ്. എന്നാൽ ചില മൃഗങ്ങൾ മറ്റുള്ളവയേക്കാൾ കൂടുതൽ തുല്യരാണ്' എന്ന 'ആനിമൽ ഫാമി'ലെ ജോർജ് ഓർവലിന്റെ വാചകം ഉദ്ധരിച്ചുകൊണ്ട് ഇന്ത്യയിലെ ഹിന്ദുത്വ തീവ്ര നിലപാടുകൾക്കെതിരെ കടുത്ത വിമർശനവുമായി ഷാർജ രാജകുടുംബാംഗം ശൈഖ ഹിന്ദ് ബിൻത് ഫൈസൽ ആൽ ഖാസ്മി വീണ്ടും രംഗത്തെത്തി. 'ആനിമൽ ഫാമി' ന്റെ കവർ പേജ് സഹിതം നൽകിയ ട്വീറ്റിലൂടെയാണ് വിമർശനം.
“All animals are equal, but some animals are more equal than others.” George Orwell, Animal Farm.
— Hend F Q (@LadyVelvet_HFQ) December 25, 2021
This quote from the book reminds me of the neopolitical movements we have had in the last 100 years, from Nazism, Communism, Zionism, Hindutva & other religious political extremists. pic.twitter.com/pAcgQtp0Cm
നാസിസം, കമ്യൂണിസം, സയണിസം, ഹിന്ദുത്വം ഉൾപ്പെടെ പിന്നിട്ട നൂറ് വർഷത്തിനിടയിൽ രൂപംകൊണ്ട മത, രാഷ്ട്രീയ ഭീകരരെ കുറിച്ച ഓർമകളാണ് ഓർവലിന്റെ വാചകം തന്നിൽ ഉണ്ടാക്കിയതെന്ന് ട്വിറ്റിൽ ശൈഖ ഹിന്ദ് വിവരിക്കുന്നു.
ഹരിദ്വാറിൽ ഹിന്ദുത്വ ശക്തികൾ മുസ്ലിംകൾക്കെതിരെ നടത്തിയ കലാപ ആഹ്വാനവും ഭരണകൂടം അതിനോട് പുലർത്തിയ നിസംഗതയും ആഗോളതലത്തിൽ വ്യാപക വിമർശനത്തിന് ഇടയാക്കിയ പശ്ചാത്തലത്തിലാണ് ശൈഖ ഹിന്ദിന്റെ വിമർശനം.
ഇന്ത്യയിലെ തീവ്രഹിന്ദുത്വത്തിനെതിരെയും മത വിഭാഗീയതക്കെതിരെയും നേരത്തെ പല തവണ ശൈഖ ഹിന്ദ് ബിൻത് ഫൈസൽ ആൽ ഖാസ്മി ശക്തമായ ഭാഷയിലുള്ള ഇടപെടലുകൾ നടത്തിയിരുന്നു.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
