July 02, 2021
July 02, 2021
ദുബൈ: ഷാര്‍ജ പോലീസ് വന്‍ മയക്കുരുന്ന് വേട്ട നടത്തി.മൂന്നരക്കോടി ദിര്‍ഹം വിലമതിക്കുന്ന 216 കിലോ മയക്കുമരുന്നാണ് ഷാര്‍ജ പൊലീസ് പിടിച്ചെടുത്തത്. ബോട്ടില്‍ കടത്താന്‍ ശ്രമിക്കുകയായിരുന്നു.ആറു പേരെ അറസ്റ്റ് ചെയ്തിട്ടുണ്ട്. അയല്‍ രാജ്യത്തു നിന്ന് ചരക്ക് ബോട്ടില്‍ കടത്താനായിരുന്നു പദ്ധതി.ബോട്ടിനുള്ളില്‍ രഹസ്യഅറയുണ്ടാക്കിയാണ് മയക്കുമരുന്ന് കടത്താന്‍ ശ്രമിച്ചത്. ഖാലിദ് തുറമുഖത്ത് എത്തിച്ചപ്പോഴാണ് പിടിക്കപ്പെട്ടത്. മയക്കുമരുന്ന് വിരുദ്ധ വകുപ്പ് ഡയറക്ടര്‍ ലഫ്. കേണല്‍ മജിദ് അല്‍ അസാമാണ് ഇക്കാര്യങ്ങള്‍ വ്യക്തമാക്കിയത്. പാര്‍ട്ടി ഡ്രഗ് എന്ന പേരില്‍ അറിയപ്പെടുന്ന ക്രിസ്റ്റല്‍ മെത്ത്, ഹെറോയിന്‍, കറുപ്പ് എന്നിവയാണ് പിടിച്ചെടുത്തതെന്ന് ഷാര്‍ജ പൊലീസ് കമാന്‍ഡര്‍ ഇന്‍ ചീഫ് മേജര്‍ ജനറല്‍ സെയ്ഫ് അല്‍ സഅരി പറഞ്ഞു.
