November 03, 2021
November 03, 2021
ഷാർജ : അറബ് നാട്ടിലെ പുസ്തകപ്രേമികൾ ഏറെ ആകാംക്ഷയോടെ കാത്തിരിക്കുന്ന ഷാർജ പുസ്തകോത്സവത്തിന്റെ നാല്പതാം എഡിഷന് ഇന്ന് തിരി തെളിയും. അൽ താവൂനിലെ വേൾഡ് എക്സ്പോ സെന്ററിൽ ഷാർജ ഭരണാധികാരിയും സുപ്രീം കൗൺസിൽ അംഗവുമായ ഷെയ്ഖ് സുൽത്താൻ ബിൻ മുഹമ്മദ്‌ അൽ ഖാസിമിയാണ് മേളയുടെ ഉൽഘാടനം നിർവഹിക്കുന്നത്. രാവിലെ 10 മണിക്കാണ് ചടങ്ങ്.
11 ദിവസം നീണ്ടുനിൽക്കുന്ന പുസ്തകമേളയിൽ നൂറ്റി അൻപതോളം മലയാളപുസ്തകങ്ങൾ പ്രകാശനം ചെയ്യുമെന്ന് സംഘാടകർ അറിയിച്ചു. സന്തോഷ്‌ ജോർജ് കുളങ്ങര, മനോജ്‌ കുറൂർ, ദീപ നിശാന്ത്, പിഎഫ് മാത്യൂസ് എന്നിവരും, ഇന്ത്യൻ സാഹിത്യലോകത്ത് നിന്ന് ജ്ഞാനപീഠ ജേതാവ് അമിതാവ് ഘോഷ്, അർഫീൻ ഖാൻ, ചേതൻ ഭഗത്, രവീന്ദർ സിംഗ്, പ്രണയ് ലാൽ എന്നിവരും മേളയുടെ ഭാഗമാകും. രമേശ്‌ ചെന്നിത്തല, മജീഷ്യൻ ഗോപിനാഥ് മുതുകാട്, വി.ഡി. സതീശൻ തുടങ്ങിയവർ പുസ്തകപ്രകാശനത്തിനായി ഷാർജയിലെത്തും.
