November 16, 2021
November 16, 2021
ഷാർജ : അജ്‌മാനിന് പിന്നാലെ ഷാർജയിലും ട്രാഫിക്ക് പിഴകളിൽ അൻപത് ശതമാനം ഇളവ് പ്രഖ്യാപിച്ചു. യുഎഇയുടെ സുവർണ്ണ ജൂബിലി ആഘോഷങ്ങളുടെ ഭാഗമായാണ് ഈ ഇളവുകൾ പ്രഖ്യാപിച്ചത്. പിഴയിലെ ഇളവിന് പുറമെ, വാഹനം പിടിച്ചെടുക്കാൻ ഉള്ള ഉത്തരവുകളും, ട്രാഫിക്ക് പോയിന്റുകളും റദ്ദാക്കുമെന്നും അധികൃതർ അറിയിച്ചു.
നവംബർ 21 മുതൽ ഡിസംബർ 31 വരെയാണ് ഈ പ്രത്യേക ആനുകൂല്യം ലഭിക്കുക. നവംബർ 14 ന് മുൻപ് നടന്ന എല്ലാ നിയമലംഘനങ്ങൾക്കും ഈ ഇളവ് ലഭിക്കുമെന്നും അധികൃതർ അറിയിച്ചു. അതേസമയം, അപകടം ഉണ്ടാവുന്ന തരത്തിൽ അശ്രദ്ധമായി വണ്ടി ഓടിക്കുക, ലൈസൻസില്ലാതെ വാഹനത്തിന്റെ എൻജിൻ മാറ്റുക തുടങ്ങിയ കുറ്റങ്ങൾക്ക് ഈ ഇളവ് ലഭിക്കില്ല.
