October 03, 2021
October 03, 2021
അബുദാബി: ഷഹീന് ചുഴലിക്കാറ്റ് ഒമാന് തീരത്തേക്ക് നീങ്ങുന്ന സാഹചര്യത്തില് യുഎഇയിലും കാലാവസ്ഥാ മുന്നറിയിപ്പ് പുറപ്പെടുവിച്ചു. യുഎഇയുടെ കിഴക്കന് തീരങ്ങളില് ചുഴലിക്കാറ്റിന്റെ ആഘാതങ്ങളുണ്ടാകാന് സാധ്യതയുണ്ടെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.
രാജ്യത്തെ ചില പ്രദേശങ്ങളില് ഞായറാഴ്ച ഉച്ചയ്ക്ക് ശേഷം കാലാവസ്ഥാ മാറ്റമുണ്ടാകും. അല് ഐന് ഉള്പ്പെടെയുള്ള കിഴക്കന് പ്രദേശങ്ങളിലാണ് പ്രധാനമായും ഇത് പ്രതീക്ഷിക്കപ്പെടുന്നത്.ചില പ്രദേശങ്ങളില് മഴയ്ക്കും, തുടര്ന്ന് അപ്രതീക്ഷിതമായി വെള്ളക്കെട്ട് ഉണ്ടാകാനും സാധ്യതയുണ്ട്. ജനങ്ങള് കാലാവസ്ഥാ ബുള്ളറ്റിനുകളും അറിയിപ്പുകളും ശ്രദ്ധിക്കണമെന്നും നിര്ദ്ദേശമുണ്ട്.
ഷഹീന് ചുഴലിക്കാറ്റ് ഭീഷണി നിലനില്ക്കുന്ന പശ്ചാത്തലത്തില് പൊതുജനങ്ങള് ബീച്ചുകളിലേക്ക് പോകരുതെന്ന് ഷാര്ജ പോലീസ് മുന്നറിയിപ്പ് നല്കി. ഷഹീന് ചുഴലിക്കാറ്റ് മൂലം കടല് തിരമാലകള് ഉയരുന്നതിനാല് ബീച്ചുകളിലേക്ക് പോകരുതെന്നാണ് ഷാര്ജ പോലീസ് ജനങ്ങളോട് അഭ്യര്ത്ഥിച്ചിരിക്കുന്നത്.
അതേസമയം ഷഹീന് ചുഴലിക്കാറ്റിന്റെ പശ്ചാത്തലത്തില് ഒമാനിലെ ദേശീയ ദുരന്ത നിവാരണ സമിതി അടിയന്തര നടപടികള് ആവിഷ്ക്കരിച്ചു. കാറ്റ് നേരിട്ട് ബാധിക്കുന്നത് വഴി ആഘാതമുണ്ടാകുമെന്ന് പ്രതീക്ഷിക്കപ്പെടുന്ന പ്രദേശങ്ങളിലുള്ളവര് വീടുകളില് നിന്ന് അടുത്ത ഷെല്ട്ടറുകളിലേക്ക് മാറി താമസിക്കണമെന്നാണ് അധികൃതര് നല്കിയിരിക്കുന്ന നിര്ദ്ദേശം.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ഗൂഗ്ൾ പ്ളേ/ ആപ്പിൾ സ്റ്റോറിൽ നിന്ന് newsroom connect App ഡൗൺലോഡ് ചെയ്യുക.