November 14, 2021
November 14, 2021
കെയ്‌റോ : നിർത്താതെ പെയ്ത മഴ സൃഷ്ടിച്ച പ്രശ്നങ്ങൾക്കൊപ്പം, ഉഗ്രവിഷമുള്ള തേളുകളെ കൂടെ ഭയക്കേണ്ട ദുരവസ്ഥയിലാണ് ഈജിപ്തിലെ ആസ്വാൻ പ്രവിശ്യയിലെ ജനങ്ങൾ. നൈൽ നടിയുടെ തീരത്തായി സ്ഥിതി ചെയ്യുന്ന ഈ പ്രദേശത്തെ മൂന്ന് പേരുടെ ജീവനാണ് തേളുകൾ അപഹരിച്ചത്. ഒപ്പം, തേളുകളുടെ ആക്രമണത്തിൽ 453 പേർക്ക് പരിക്കേൽക്കുകയും ചെയ്തിട്ടുണ്ട്.
വെള്ളിയാഴ്ച മുതൽ മഴ നിർത്താതെ പെയ്യുന്ന ഈ പ്രദേശത്തെ മാളങ്ങൾ മഴവെള്ളത്താൽ അടഞ്ഞുപോയതോടെയാണ് തേളുകൾ ജനവാസ കേന്ദ്രങ്ങളിലേക്ക് എത്തിയത്. ഇവയ്ക്കൊപ്പം പാമ്പുകളും ഒഴുകിവന്നിട്ടുണ്ടെന്നാണ് നാട്ടുകാർ പറയുന്നത്. മൂന്ന് മരണങ്ങൾ റിപ്പോർട്ട് ചെയ്യപ്പെട്ടതോടെ പ്രദേശത്ത് അധികൃതർ ജാഗ്രതാ നിർദേശം പുറപ്പെടുവിച്ചിട്ടുണ്ട്.
