January 17, 2022
January 17, 2022
കുവൈത്ത് സിറ്റി : കുവൈത്തിൽ താമസ അനുമതിയുള്ള വിദേശികൾക്ക് ഉംറ നിർവഹിക്കാൻ കരമാർഗം സൗദിയിലെത്താമെന്ന് ഔഖാഫ് മന്ത്രാലയം വ്യക്തമാക്കി. സൽമി അതിർത്തി വഴി സൗദിയിലേക്കും തിരിച്ചും യാത്ര ചെയ്യാനുള്ള അനുമതിയാണ് പുനഃസ്ഥാപിച്ചത്.
കോവിഡ് കേസുകൾ വർധിച്ചതോടെ 2020 മാർച്ച് മുതലാണ് കരമാർഗമുള്ള ഉംറ യാത്രകൾ ഔഖാഫ് മന്ത്രാലയം നിർത്തിവെച്ചത്. യാത്ര പുനഃസ്ഥാപിച്ചെങ്കിലും, കോവിഡ് മുൻകരുതലുകൾ കൃത്യമായി പാലിക്കണമെന്ന് അധികൃതർ മുന്നറിയിപ്പ് നൽകിയിട്ടുണ്ട്.