July 02, 2021
July 02, 2021
ദുബൈ: മയക്കുമരുന്ന് പ്രചാരണത്തിനും വിതരണത്തിനും പ്രോത്സാഹനം നല്കിയകാരണത്താല് 25 സമൂഹമാധ്യമ എക്കൗണ്ടുകള് റാസല്ഖൈമ പൊലിസ് നിരോധിച്ചു. മയക്കുമരുന്ന് വിരുദ്ധ വിഭാഗം മേധാവി മേജര് അബ്ദുനാസര് അല്ഷിറവിയാണ് ഇക്കാര്യം അറിയിച്ചത്.മയക്കുമരുന്ന് കടത്തുന്നവരും ഇതിന്റെ പ്രചാരണവും വില്പനയും നടത്തുന്നവരും രാജ്യത്തിന്റെ സമ്പദ്വ്യവസ്ഥക്കും സുരക്ഷക്കും ഭീഷണിയുയര്ത്തുന്നവരാണെന്ന് അദ്ദേഹം പറഞ്ഞു.
കുട്ടികളുടെ സുരക്ഷക്കും സമൂഹത്തിന്റെ ഭദ്രതക്കും കുടുംബാംഗങ്ങളും രക്ഷിതാക്കളും പൊലീസുമായി സഹകരിക്കണമെന്നും അദ്ദേഹം സൂചിപ്പിച്ചു.സംശയകരമായ അവസ്ഥകളിലുള്ള സംഭവങ്ങള് അധികൃതരെ അറിയിക്കുന്നതില് പൊതുസമൂഹം ശ്രദ്ധിക്കണമെന്നും അദ്ദേഹം അഭ്യര്ഥിച്ചു.