March 30, 2022
March 30, 2022
ദോഹ : പരിശുദ്ധ റമദാൻ വീണ്ടും വിരുന്നെത്താൻ ദിവസങ്ങൾ മാത്രം ബാക്കി നിൽക്കെ, ഖത്തർ എയർവേയ്സ് റമദാൻ ഓഫറുകൾ പ്രഖ്യാപിച്ചു. എയർവേയ്സിലെ യാത്രക്കാർക്ക് റമദാൻ കാലയളവിൽ 20 ശതമാനം വരെ ഡിസ്‌കൗണ്ട് ലഭിക്കുമെന്ന് ഖത്തർ എയർവേയ്സ് സീനിയർ വൈസ് പ്രസിഡന്റ് എഹബ് അമിൻ അറിയിച്ചു. ഏപ്രിൽ 5 മുതലുള്ള യാത്രകൾക്കാണ് ഈ ഓഫറുകൾ ലഭ്യമാവുക.
ടിക്കറ്റ് നിരക്കിലെ ഇളവിനൊപ്പം, ഫസ്റ്റ് ക്ലാസ്/ബിസിനസ് ക്ലാസ് യാത്രക്കാർക്കും ഓഫറുകളുണ്ട്. റമദാൻ കാലയളവിൽ യാത്ര ചെയ്യുന്നവർക്ക് ഇരട്ടി ക്യു പോയിന്റുകൾ ലഭിക്കും. കുടുംബത്തോടൊപ്പം ചെലവഴിക്കേണ്ട, സന്തോഷം പങ്കിടേണ്ട ദിവസങ്ങളാണ് റമദാൻ എന്നും, മുഴുവൻ യാത്രക്കാർക്കും ആശംസകൾ നേരുന്നുവെന്നും ഖത്തർ എയർവേയ്സ് അറിയിച്ചു. http://qatarairways.com/ramadan എന്ന ലിങ്കിലൂടെയാണ് റമദാൻ സ്പെഷ്യൽ ഓഫർ ലഭ്യമാവുന്ന ടിക്കറ്റുകൾ ബുക്ക് ചെയ്യേണ്ടത് എന്നും ഖത്തർ എയർവേയ്സ് വ്യക്തമാക്കി.
