October 06, 2021
October 06, 2021
ദോഹ : ഫുട്ബോൾ താരങ്ങൾക്കും അവരുടെ ക്ലബ്ബുകൾക്കും ഇടയിൽ ഉടലെടുക്കുന്ന പ്രശ്നങ്ങൾ നിയമപരമായി പരിഹരിക്കാനുള്ള ഫിഫയുടെ പ്രത്യേകസമിതിയിൽ ഖത്തർ സ്വദേശിനിയായ ദന ബിൻത് മുഹമ്മദ്‌ അൽനുഐമിയും. നാല് വർഷത്തെ കാലാവധിയുള്ള നിയമസംഘത്തിലാണ് അൽ നുഐമി ഉൾപ്പെട്ടത്. നിലവിൽ സുപ്രീം കമ്മറ്റിയിലെ നിയമവിഭാഗത്തിന്റെ അധ്യക്ഷയാണ് അൽനുഐമി.
അന്താരാഷ്ട്ര കായികരംഗംത്ത് ഖത്തർ നൽകുന്ന മികച്ച സംഭാവനകൾക്ക് ഉദാഹരണമാണ് നുഐമിയുടെ ഈ നേട്ടം. ഓരോ വർഷവും ശരാശരി മൂവായിരത്തിഅഞ്ഞൂറോളം കേസുകൾക്ക് തീർപ്പ് കല്പിക്കുകയെന്ന വലിയ വെല്ലുവിളിയാണ് നുഐമിക്കും സംഘത്തിനും മുന്നിലുള്ളത്. തർക്കപരിഹാരസമിതിയെ കുറിച്ചുള്ള കൂടുതൽ വിവരങ്ങൾ legal.fifa.com എന്ന വെബ്‌സൈറ്റിൽ ലഭ്യമാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ 66200167 എന്ന ഖത്തർ വാട്സ്ആപ് നമ്പറിൽ സന്ദേശം അയക്കുക.
