May 17, 2022
May 17, 2022
അൻവർ പാലേരി
ദോഹ : കുവൈത്തിൽ നടക്കുന്ന മൂന്നാമത് ജിസിസി ഗെയിംസിൽ ഖത്തർ കായിക താരങ്ങൾ മൂന്ന് സ്വർണവും ഒരു വെള്ളിയും സ്വന്തമാക്കി.
പുരുഷന്മാരുടെ 100 മീറ്റർ ഓട്ടത്തിൽ ഖത്തറിന്റെ ഏഷ്യൻ ഗെയിംസ് വെള്ളിമെഡൽ ജേതാവ് ടോസിൻ ഒഗുനോഡെ 10.05 സെക്കൻഡിൽ സ്വർണം കൈപ്പിടിയിലൊതുക്കി.നാല് തവണ ഏഷ്യൻ ഗെയിംസ് സ്വർണം നേടിയ ഫെമിയുടെ ഇളയ സഹോദരനാണ് ടോസിൻ ഒഗുനോഡെ.ഈ ഇനത്തിൽ സൗദി അറേബ്യയുടെ അബ്ദുല്ല അബ്‌കർ 10.21 സെക്കന്റിൽ ഓടിയെത്തി വെള്ളിയും ഒമാന്റെ ബറകത് അൽ ഹർത്തി 10.30 സെക്കൻഡിൽ വെങ്കലവും നേടി.
പുരുഷന്മാരുടെ 400 മീറ്ററിലാണ് ഖത്തറിന്റെ അടുത്ത സ്വർണ നേട്ടം. ഫൈനലിൽ 45.76 സെക്കൻഡിൽ ഓടിയെത്തിയാണ് അമ്മാർ ഇബ്രാഹിം സ്വർണം നേടിയത്.
ജിസിസി ഗെയിംസിൽ അരങ്ങേറ്റം കുറിച്ച വനിതകളുടെ പോൾവോൾട്ടിൽ 3.40 മീറ്റർ ചാടി ബാർ ക്ലിയർ ചെയ്ത സമർ മൻസൂരിയിലൂടെയാണ് ഖത്തറിന്റെ മെഡൽ വേട്ട തുടങ്ങിയത്.പുരുഷന്മാരുടെ 110 മീറ്റർ ഹർഡിൽസിൽ സയീദ് അൽ അബ്സി രണ്ടാം സ്ഥാനത്തെത്തി വെള്ളി നേടിയതോടെ ആദ്യദിനത്തിൽ തന്നെ ഖത്തറിന്റെ മെഡൽ നേട്ടം നാലായി ഉയർന്നു.
16 ഇനങ്ങളിലായി ആറ് ജിസിസി രാജ്യങ്ങളിൽ നിന്നുള്ള 1,700 അത്‌ലറ്റുകളാണ് ഗൾഫ് ഗെയിംസിൽ മാറ്റുരക്കുന്നത്.ഫുട്‌സാൽ, ഐസ് ഹോക്കി ഒഴികെയുള്ള വിഭാഗങ്ങളിൽ 173-ലധികം അത്‌ലറ്റുകളാണ് ഖത്തറിനെ പ്രതിനിധീകരിച്ച് ജിസിസി ഗെയിംസിൽ പങ്കെടുക്കുന്നത്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
