April 05, 2022
April 05, 2022
ദോഹ : ഖത്തറിൽ ഓൺ അറൈവൽ വിസയിലെത്തുന്ന ഇന്ത്യക്കാർക്ക് ഹോട്ടൽ റിസർവേഷൻ നിർബന്ധമാക്കിയതായി ആഭ്യന്തര മന്ത്രാലയം അറിയിച്ചു. ഇന്ത്യക്ക് പുറമെ, ഇറാൻ, പാകിസ്ഥാൻ എന്നീ രാജ്യങ്ങളിൽ നിന്നുള്ളവർക്കും ഇതേ നിയമം ബാധകമാണ്.
'ഡിസ്കവർ ഖത്തർ' വെബ്‌സൈറ്റിലൂടെയാണ് ഹോട്ടൽ ബുക്ക് ' ചെയ്യേണ്ടത്. എത്ര ദിവസമാണോ വിസയുടെ കാലാവധി, അത്രയും ദിവസത്തെ ഹോട്ടൽ ബുക്കിംഗ് നിർബന്ധമായും നടത്തിയിരിക്കണം. കുറഞ്ഞത് രണ്ട് ദിവസവും, പരമാവധി അറുപത് ദിവസവുമാണ് ഇത്തരത്തിൽ റൂം ബുക്ക് ചെയ്യാൻ കഴിയുക. ഖത്തറിൽ ഉള്ള ബന്ധുക്കളെ സന്ദർശിക്കാൻ വരുന്നവർ ആണെങ്കിലും, ഹോട്ടൽ ബുക്ക് ചെയ്യണമെന്ന് അധികൃതർ വ്യക്തമാക്കിയിട്ടുണ്ട്. ഏപ്രിൽ 14 മുതൽ ഈ ഉത്തരവ് പ്രാബല്യത്തിൽ വരും. ഓൺ അറൈവൽ വിസയിൽ എത്തുന്നവരുടെ ചെലവ് പതിന്മടങ്ങ് വർധിക്കുമെന്നതിനാൽ, ഏറെ ആശങ്കയോടെയാണ് ഖത്തർ പ്രവാസികൾ പുതിയ നിയമത്തെ നോക്കിക്കാണുന്നത്.
