October 27, 2021
October 27, 2021
ദോഹ: ശൂറ കൗൺസിലിന്റെ ആദ്യ മീറ്റിംഗ് ഉദ്ഘാടനം ചെയ്ത അമീറിനെ അഭിനന്ദിച്ച് ഉപപ്രധാനമന്ത്രിയും വിദേശകാര്യമന്ത്രിയുമായ ഷെയ്ഖ് മുഹമ്മദ് ബിൻ അബ്ദുൾറഹ്മാൻ അൽതാനി. ശൂറയിലേക്ക് തിരഞ്ഞെടുക്കപ്പെട്ട അംഗങ്ങളെയും മന്ത്രി അനുമോദിച്ചു. ഖത്തറിന്റെ ഉന്നമനത്തിനായി പ്രവർത്തിക്കാൻ പുതിയ സമിതിക്ക് കഴിയട്ടെ എന്ന് ആശംസിച്ച മന്ത്രി, എല്ലാ പിന്തുണയും വാഗ്ദാനം ചെയ്തു.
ഖത്തറിന്റെ വിദേശകാര്യനയത്തെ പറ്റി അമീർ നടത്തിയ പരാമർശങ്ങളെ ഏകീകരിച്ച് സംസാരിച്ച വിദേശകാര്യമന്ത്രി, ഇസ്ലാമികതത്വങ്ങൾക്കുള്ള പ്രാധാന്യത്തെ പറ്റിയും സംസാരിച്ചു. വെല്ലുവിളികളെ മറികടന്ന്, അന്താരാഷ്ട്ര തലത്തിൽ മുന്നേറാൻ ഇസ്ലാമിക് അറബ് തത്വങ്ങളിൽ മുറുക്കെ പിടിക്കേണ്ടതുണ്ടെന്നും മന്ത്രി അഭിപ്രായപ്പെട്ടു. തീവ്രവാദത്തിന് എതിരെ സന്ധിയില്ലാ പോരാട്ടം നടത്തുമെന്നും, അവശ്യഘട്ടങ്ങളിൽ ഒക്കെയും പ്രശ്നങ്ങളുടെ മധ്യസ്ഥത ഏറ്റെടുക്കാൻ ഖത്തർ തയ്യാറാണെന്നും മന്ത്രി കൂട്ടിച്ചേർത്തു.