November 24, 2021
November 24, 2021
ദോഹ : വർണ്ണാഭമായ ആകാശകാഴ്ചകളുമായി ബലൂൺ മേള ഖത്തറിലേക്ക് തിരിച്ചെത്തുന്നു. ഡിസംബർ 9 മുതൽ 18 വരെ ആസ്പയർ പാർക്കിൽ അരങ്ങേറുന്ന രണ്ടാം പതിപ്പിൽ കരടി, തവള, കടുവ, കപ്പൽ തുടങ്ങി നാല്പതോളം വ്യത്യസ്ത രൂപങ്ങളിലുള്ള ബലൂണുകളാണ് പ്രദർശിപ്പിക്കുക.
ഖത്തർ വേദിയാവുന്ന അറബ് കപ്പിനോട് അനുബന്ധിച്ചാണ് ഇത്തവണ മേളയെത്തുന്നത്. ബലൂൺ മേളയുടെ ഭാഗമായി സംഗീത നിശ അടക്കമുള്ള വ്യത്യസ്ത പരിപാടികൾ വൈകുന്നേരങ്ങളിൽ അരങ്ങേറും. പ്രദേശത്ത് പ്രത്യേക ഭക്ഷണശാലകളും, കുട്ടികൾക്കായുള്ള വിനോദകേന്ദ്രങ്ങളും ഒരുക്കുമെന്നും സംഘാടകർ അറിയിച്ചു. 299 റിയാലിന് ബലൂണിൽ യാത്ര ചെയ്യാനുള്ള അവസരവും മേളയിലുണ്ടാവും. അടുത്ത ആഴ്ച മുതൽ http://www.qatarballoonfestival.com എന്ന വെബ്സൈറ്റിലൂടെ ഇതിനുള്ള ടിക്കറ്റുകൾ സ്വന്തമാക്കാം. ദോഹ ഫെസ്റ്റിവൽ സിറ്റിയിലെത്തി നേരിട്ടും ബലൂൺ യാത്രക്ക് പേര് രജിസ്റ്റർ ചെയ്യാനുള്ള അവസരമുണ്ട്.