March 17, 2022
March 17, 2022
ദോഹ : രാജ്യത്തെ സ്കൂളുകളിലും കിന്റർ ഗാർഡനുകളിലും, പന്ത്രണ്ട് വയസിൽ താഴെ പ്രായമുള്ള കുട്ടികൾക്ക് മാസ്ക് നിർബന്ധമല്ലെന്ന് ഖത്തർ പൊതുവിദ്യാഭ്യാസ മന്ത്രാലയം വ്യക്തമാക്കി. കോവിഡ് വ്യാപനത്തിൽ ഗണ്യമായ കുറവ് രേഖപ്പെടുത്തിയതോടെ യാണ് നടപടി. പൊതു-സ്വകാര്യ വിദ്യാഭ്യാസ സ്ഥാപനങ്ങളിലെ കുട്ടികൾക്ക് ഈ ഇളവ് ബാധകമാണ്.
അതേസമയം, മാസ്ക് ധരിച്ചെത്താൻ ആഗ്രഹിക്കുന്ന കുട്ടികൾക്ക് തുടർന്നും മാസ്ക് ധരിക്കാമെന്നും മന്ത്രാലയം കൂട്ടിച്ചേർത്തു. മാർച്ച് 20 ഞായറാഴ്ച മുതലാണ് ഈ ഇളവുകൾ പ്രാബല്യത്തിൽ വരിക. എന്നാൽ, വാക്സിൻ എടുക്കാത്ത കുട്ടികളും, കഴിഞ്ഞ ഒരു വർഷത്തിനിടെ കോവിഡ് വന്ന് ഭേദമാവാത്ത കുട്ടികളും ആഴ്ച്ച തോറും ആന്റിജൻ പരിശോധന നടത്തണമെന്ന വ്യവസ്ഥയിൽ മാറ്റമില്ല. കോവിഡ് മാനദണ്ഡങ്ങൾ പാലിച്ചുകൊണ്ട് സുരക്ഷ ഉറപ്പുവരുത്താൻ മന്ത്രാലയം വിദ്യാർത്ഥികളോട് അഭ്യർത്ഥിച്ചു.