February 21, 2022
February 21, 2022
ദോഹ : ഖത്തർ അമീർ ഷെയ്ഖ് തമിം ബിൻ ഹമദ് അൽ താനിയും, ഇറാൻ പ്രസിഡന്റ് ഇബ്രാഹിം റൈസിയും കൂടിക്കാഴ്ച്ച നടത്തി. അമീരി ദിവാനിൽ വെച്ച് ഇരുരാജ്യങ്ങൾക്കും ഇടയിൽ പുതുതായി നിലവിൽ വന്ന കരാറുകൾ ഒപ്പിടുന്ന ചടങ്ങിനും ഇരുവരും സാക്ഷ്യം വഹിച്ചു. ഖത്തറിനും ഇറാനുമിടയിലെ നയതന്ത്ര ധാരണാ പത്രത്തിലും ഒപ്പുവെച്ചു.
മിഡിൽ ഈസ്റ്റ് മേഖലയിലെ സമകാലിക രാഷ്ട്രീയ പ്രതിസന്ധികളിൽ സ്വീകരിക്കേണ്ട നിലപാടുകൾ അടങ്ങിയതാണ് ധാരണാ പത്രം. 2022-2023 വർഷങ്ങളിൽ സാംസ്കാരികപരമായും സാങ്കേതികപരമായും ഒത്തുചേർന്ന് ചെയ്യേണ്ട കാര്യങ്ങൾ, ഉന്നത വിദ്യാഭ്യാസ മേഖലയിലെ പ്രവർത്തനങ്ങൾ തുടങ്ങിയവയാണ് ധാരണാ പത്രത്തിലെ ഉള്ളടക്കം. ടൂറിസം മേഖലയിലും ഇരുരാജ്യങ്ങളും നയതന്ത്ര തീരുമാനങ്ങൾ സ്വീകരിച്ചിട്ടുണ്ട്. ഖത്തർ മന്ത്രിസഭയിലെ ഏതാനും മന്ത്രിമാരും അമീരി ദിവാനിൽ നടന്ന ചടങ്ങിൽ സന്നിഹിതരായിരുന്നു.