June 18, 2021
June 18, 2021
ദോഹ: ഖത്തറിൽ കഴിഞ്ഞ 24 മണിക്കൂറിനുള്ളിൽ കോവിഡ് ബാധിച്ച് ഒരാൾ മരണപ്പെട്ടതായും 184 പേർക്ക് രോഗം സ്ഥിരീകരിച്ചതായും പൊതുജനാരോഗ്യ മന്ത്രാലയം അറിയിച്ചു. 143 പേരാണ് രോഗമുക്തി നേടിയത്. 71 വയസ്സ് പ്രായമുള്ളയാളാണ് മരണപ്പെട്ടത്. ഇതോടെ മരണസംഖ്യ 582 ആയി.
ചികിത്സയിലുള്ള മൊത്തം കോവിഡ് രോഗികളുടെ എണ്ണം 2,026 ആയി കുറഞ്ഞു.പുതിയ 184 കേസുകളിൽ 105 പേര്ക്ക് സമൂഹ വ്യാപനത്തിലൂടെയാണ് കോവിഡ് പിടിപെട്ടത്. 79 പേർ വിദേശത്ത് നിന്ന് മടങ്ങിയെത്തിയ യാത്രക്കാരാണ്.
കഴിഞ്ഞ 24 മണിക്കൂറിനുള്ളിൽ 14 പേർ ആശുപത്രിയിൽ ചികിത്സ തേടി. 130 പേരാണ് ആശുപത്രിയിൽ ചികിത്സയിലുള്ളത്.കഴിഞ്ഞ 24 മണിക്കൂറിനുള്ളിൽ രണ്ട് പേരെ തീവ്ര പരിചരണ വിഭാഗത്തിൽ പ്രവേശിപ്പിച്ചു. 76 പേർ ഇപ്പോൾ ഐ.സി.യു.വില്‍ ചികിത്സയിലാണ്.
