January 05, 2022
January 05, 2022
ദോഹ : ജീവനക്കാർക്ക് കോവിഡ് ബാധിച്ചതായി കണ്ടെത്തിയതിനാൽ ഖത്തറിലെ ഫിലിപ്പൈൻസ് എംബസി താൽകാലികമായി അടച്ചിടുമെന്ന് അധികൃതർ അറിയിച്ചു. ജീവനക്കാരിലൂടെ രോഗം കൂടുതൽ പേരിലേക്ക് പകരാതിരിക്കാനാണ് നടപടി. ജനുവരി ഒൻപത് വരെ എംബസി തുറന്ന് പ്രവർത്തിക്കില്ലെന്നാണ് അധികൃതർ നൽകുന്ന അറിയിപ്പ്.
ഫിലിപ്പൈൻസ് അംബാസിഡർ അലൻ ടിംബയാനാണ് മാധ്യമങ്ങൾക്ക് മുന്നിൽ ഇക്കാര്യം സ്ഥിരീകരിച്ചത്. രോഗമുള്ളവർ 14 ദിവസം കൊറന്റൈനിൽ കഴിയുമെന്നും ജനുവരി എട്ടിന് ഇവർക്ക് വീണ്ടും ടെസ്റ്റ്‌ നടത്തുമെന്നും അംബാസിഡർ അറിയിച്ചു. എംബസി പ്രവർത്തിക്കാത്ത ദിവസങ്ങളിൽ എംബസിയുടെ നമ്പറുകളിൽ സേവനങ്ങൾ ലഭ്യമാണ്.
