April 14, 2022
April 14, 2022
ദോഹ : ലുസൈൽ നഗരത്തിലെ പ്രധാന റോഡുകളിൽ ഒന്നിന് സമീപത്തായി, കാൽനടയാത്രക്കാർക്കുള്ള പാതയിലൂടെ വാഹനമോടിച്ചയാൾ അറസ്റ്റിൽ. ഇയാളുടെ വാഹനം പിടിച്ചെടുത്തതായും ട്രാഫിക്ക് ജനറൽ ഡിപ്പാർട്ട്മെന്റ് അറിയിച്ചു. നീല നിറത്തിലുള്ള സുസുക്കി ജിംനി വാഹനം നിയമം ലംഘിക്കുന്നതിന്റെ ദൃശ്യങ്ങൾ ക്യാമറയിൽ പതിഞ്ഞിരുന്നു. പിന്നാലെയാണ് അറസ്റ്റ്. അപകടകരമായി വാഹനം ഓടിച്ചുവെന്ന കുറ്റം ചുമത്തിയാണ് ഇയാളെ അറസ്റ്റ് ചെയ്തതെന്ന് ട്രാഫിക് ഡിപ്പാർട്ട്മെന്റ് ട്വിറ്റർ അക്കൗണ്ടിൽ കുറിച്ചു.
