November 22, 2021
November 22, 2021
അബുദാബി : അനുമതിയില്ലാതെ പണപ്പിരിവ് നടത്തിയതായി ശ്രദ്ധയിൽ പെട്ടാൽ കടുത്ത നടപടികൾ നേരിടേണ്ടി വരുമെന്ന മുന്നറിയിപ്പുമായി അധികൃതർ. കുറ്റം ചെയ്തതായി തെളിഞ്ഞാൽ ഫെഡറൽ നിയമം അനുസരിച്ച് മൂന്ന് ലക്ഷം വരെ പിഴ ലഭിക്കാവുന്ന കുറ്റമാണിത്. ജീവകാരുണ്യ പ്രവർത്തനങ്ങൾക്ക് വേണ്ടിയുള്ള പിരിവുകൾക്കും ഈ നിയമം ബാധകമാണ്.
ലൈസൻസുള്ള സംഘടനകളും പിരിവ് നടത്തുന്നതിന് മുൻപ് അനുമതി നേടേണ്ടതുണ്ട്. ഇസ്ലാമിക് അഫയേഴ്സ് ആൻഡ് ചാരിറ്റബിൾ ആക്ടിവിറ്റീസ് ഡിപ്പാർട്മെന്റിലാണ് ഇതിനുള്ള അപേക്ഷ സമർപ്പിക്കേണ്ടത്. ഇന്ത്യക്കാർക്ക് ഇന്ത്യൻ എംബസി /കോൺസുലേറ്റ് മുഖേന അപേക്ഷ സമർപ്പിക്കാം. ഇതോടൊപ്പം, ഭിക്ഷാടനത്തിനുള്ള പിഴ സംഖ്യയും അധികൃതർ വ്യക്തമാക്കി. 3 മാസം തടവോ 5000 ദിർഹം പിഴയോ ഇത് രണ്ടും ചേർത്തോ ആവും ഭിക്ഷാടകർക്കുള്ള ശിക്ഷ.