February 21, 2022
February 21, 2022
ദോഹ : ഖത്തർ എയർവേയ്സ് വിമാനത്തിൽ പരിഭ്രാന്തി സൃഷ്ടിച്ച് യാത്രക്കാരന്റെ പരാക്രമം. ദോഹയിൽ നിന്നും കാസബ്ലാങ്കയിലേക്കുള്ള വിമാനത്തിലാണ് 12000 അടി മുകളിൽ നിന്നും യാത്രക്കാരൻ കോലാഹലമുണ്ടാക്കിയത്. ഫെബ്രുവരി 15 ന് നടന്ന സംഭവം വീഡിയോ സഹിതം സമൂഹമാധ്യമങ്ങളിൽ വൈറലാവുകയാണ്.
രോഷാകുലനായ ഇയാൾ സഹയാത്രികന്റെ മുഖത്ത് ഇടിച്ച് പരിക്കേൽപ്പിക്കുകയും ചെയ്തു. വിമാനത്തിലെ യാത്രക്കാരും ജീവനക്കാരും ചേർന്ന് സാഹസികമായാണ് ഇയാളെ പിടിച്ചുകെട്ടിയത്. ബ്രസീലിയൻ കരാട്ടെ രൂപമായ ജിയു ജിറ്റ്സുവിൽ വൈദഗ്ധ്യമുള്ള ഒരാൾ യാത്രക്കാരിൽ ഉണ്ടായിരുന്നെന്നും, ഇയാളാണ് അക്രമിയെ വരുതിയിലാക്കാൻ സഹായിച്ചതെന്നും ദേശീയ മാധ്യമങ്ങൾ റിപ്പോർട്ട് ചെയ്തു. വിമാനം കാസബ്ലാങ്കയിൽ പറന്നിറങ്ങിയതിന് പിന്നാലെ അക്രമിയെ അറസ്റ്റ് ചെയ്തു.
