August 31, 2019
August 31, 2019
ദോഹ: അല്വക്ര പ്രധാന പാതയിൽ ഭാഗികമായി ഗതാഗത നിയന്ത്രണം ഏര്പ്പെടുത്തിയതായി പൊതുമരാമത്ത് വിഭാഗമായ അശ്ഗാല്- അറിയിച്ചു. ഉരീദു റൗണ്ട്അബൗട്ടിനും അല്അഫ്ജ റൗണ്ട്അബൗട്ടിനും റൗണ്ടെബൗട്ടിനും(അല്ജബല് റൗണ്ടെബൗട്ട്) ഇടയിലാണ് ഇന്ന് മുതല് ഗതാഗതം ഭാഗികമായി നിര്ത്തിവച്ചിരിക്കുന്നത്.
ട്രാഫിക് ജനറല് ഡയറക്ടറേറ്റുമായി ചേര്ന്നാണ് അശ്ഗാല് ഗതാഗത നിയന്ത്രണം ഏര്പ്പെടുത്തിയിരിക്കുന്നത്. 1.5 കി.മീറ്റര് ദൂരപരിധിയിലുള്ള ഈ ഗതാഗത മാറ്റം നാലു മാസത്തോളം തുടരുമെന്നാണ് അറിയുന്നത്. അല്വക്ര പ്രധാനപാതയുടെ നിലവാരമുയര്ത്തുന്നതിന്റെ ഭാഗമായുള്ള നിര്മാണ പ്രവൃത്തികള്ക്കായാണ് റോഡ് അടയ്ക്കുന്നത്.
പാതയിലെ ഗതാഗത നിയന്ത്രണം അറിയിച്ചുകൊണ്ടുള്ള സൂചനാ ബോഡുകൾ സമീപത്ത് സ്ഥാപിക്കും. റോഡ് സുരക്ഷ ഉറപ്പാക്കാനായി റോഡ് സൂചനകള് പിന്തുടരണമെന്നും വേഗനിയന്ത്രണം പാലിക്കണണെന്നും അശ്ഗാല് പൊതുജനങ്ങളോട് ആവശ്യപ്പെട്ടു.