March 17, 2021
March 17, 2021
ദോഹ: ഖത്തര്‍ പ്രധാനമന്ത്രിയും ആഭ്യന്തരമന്ത്രിയുമായ ശൈഖ് ഖാലിദ് ബിന്‍ ഖലീഫ ബിന്‍ അബ്ദുല്‍അസീസ് അല്‍താനി സൗദി അറേബ്യയുടെ ആഭ്യന്തരമന്ത്രി അബ്ദുല്‍അസീസ് ബിന്‍ സൗദ് ബിന്‍ നയെഫ് ബിന്‍ അബ്ദുല്‍അസീസ് അല്‍ സൗദ് രാജകുമാരനുമായി ഫോണില്‍ സംസാരിച്ചു. ഖത്തറും സൗദിയും തമ്മിലുള്ള ബന്ധം ഇരുനേതാക്കളും അവലോകനം ചെയ്തു.
ഫോണ്‍ സംഭാഷണത്തിന്റെ തുടക്കത്തില്‍ സൗദി രാജാവിനുള്ള ഖത്തര്‍ അമീറിന്റെ ആശംസകള്‍ ഖത്തര്‍ പ്രധാനമന്ത്രി സൗദി ആഭ്യന്തര മന്ത്രിയെ അറിയിച്ചു. കൂടാതെ സൗദി ഉപപ്രധാനമന്ത്രിയും കിരീടാവകാശിയും പ്രതിരോധമന്ത്രിയുമായ മുഹമ്മദ് ബിന്‍ സല്‍മാനും ഖത്തര്‍ അമീര്‍ ആശംസകള്‍ അറിയിച്ചതായി ഖത്തര്‍ പ്രധാമന്ത്രി സൗദി ആഭ്യന്തരമന്ത്രിയോട് പറഞ്ഞു.
ഖത്തര്‍ അമീറിനുള്ള സൗദി രാജാവിന്റെയും കിരീടാവകാശിയുടെയും ആശംസകള്‍ ആഭ്യന്തരമന്ത്രി ഖത്തര്‍ പ്രധാനമന്ത്രിയെ അറിയിച്ചു. അമീറിന് വിജയമുണ്ടാകട്ടെയെന്നും ഖത്തരി ജനത കൂടുതല്‍ സമൃദ്ധിയും പുരോഗതിയും കൈവരിക്കട്ടെയെന്നും അദ്ദേഹം ആശംസിച്ചു.
ഫോണ്‍സംഭാഷണത്തില്‍ ഇരുരാജ്യങ്ങളും തമ്മിലുള്ള സാഹോദര്യബന്ധവും അവ മെച്ചപ്പെടുത്താനുള്ള മാര്‍ഗങ്ങളും ചര്‍ച്ച ചെയ്തു. കൂടാതെ സംയുക്ത താല്‍പ്പര്യമുള്ള നിരവധി വിഷയങ്ങളും ഇരുനേതാക്കളും ചര്‍ച്ച ചെയ്തു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
