December 29, 2021
December 29, 2021
അബുദാബി : ദുബായ് ഒഴികെയുള്ള എമിറേറ്റുകളിൽ രണ്ടാഴ്ച കാലയളവിൽ വിദ്യാർത്ഥികൾക്ക് ഓൺലൈൻ ക്ലാസുകൾ നൽകും. ജനുവരി മൂന്നിന് ആരംഭിക്കുന്ന പുതിയ ടേം മുതലാണ് ഈ മാറ്റം. പൊതുസ്വകാര്യ സ്‌കൂളുകളിലെയും പരിശീലനസ്ഥാപനങ്ങളിലെയും യൂണിവേഴ്സിറ്റികളിലെയും വിദ്യാർത്ഥികൾക്കാണ് ഓൺലൈനായി ക്ലാസ് നൽകുക.
കോവിഡ് വ്യാപനം കണക്കിലെടുത്താണ് നടപടി. വിദ്യാർത്ഥി സമൂഹത്തിന്റെ സുരക്ഷയും ആരോഗ്യവും ഉറപ്പുവരുത്താനുള്ള നടപടികൾ ഈ കാലയളവിൽ സ്വീകരിക്കും. സാഹചര്യങ്ങൾ നിരീക്ഷിച്ച ശേഷം വിദ്യാലയങ്ങളിലെ കോവിഡ് മാനദണ്ഡങ്ങളിൽ മാറ്റം വരുത്തുന്ന കാര്യവും പരിഗണനയിൽ ആണെന്ന് കെ.എച്ച്.ഡി.എ അറിയിച്ചു. ദുബായിൽ ക്ലാസുകളിലേക്ക് വിദ്യാർത്ഥികൾ എത്തുമെങ്കിലും, പഠനേതര പ്രവർത്തനങ്ങൾ രണ്ടാഴ്ച നിർത്തിവെക്കാൻ അധികൃതർ നിർദേശം നൽകിയിട്ടുണ്ട്.
