February 17, 2022
February 17, 2022
ദോഹ : നാലാം എഡിഷനിലെ പഴയ കറൻസി നോട്ടുകൾ മാറ്റിനൽകാൻ സമയമനുവദിച്ചതായി ഖത്തർ സെൻട്രൽ ബാങ്ക് അറിയിച്ചു. ഇനിയൊരു അറിയിപ്പ് ഉണ്ടാവുന്നത് വരെ ബാങ്ക് മുഖേന പഴയ നോട്ടുകൾ മാറ്റി പുതിയത് വാങ്ങാമെന്ന് സെൻട്രൽ ബാങ്ക് ട്വിറ്ററിലൂടെ അറിയിച്ചു.
അൻപതിനായിരം റിയാലിലധികം മാറ്റാൻ എത്തുന്നവർ ഫിനാൻസിങ് കമ്മിറ്റിയുടെ നിർദ്ദേശങ്ങൾ പാലിക്കേണ്ടതുണ്ടെന്നും ബാങ്ക് വിശദീകരിച്ചു. ഖത്തറി പൗരന്മാർ തങ്ങൾക്ക് അകൗണ്ട് ഉള്ള ബാങ്കുകളിലൂടെയാണ് നോട്ടുകൾ മാറ്റി വാങ്ങേണ്ടത്. ബാങ്കിൽ അകൗണ്ട് ഇല്ലാത്തവർക്ക് നോട്ടുകൾ മാറ്റാൻ സെൻട്രൽ ബാങ്കിൽ സംവിധാനം ഏർപ്പെടുത്തും. പ്രവാസികൾക്ക് നോട്ടുകൾ മാറ്റി വാങ്ങണമെങ്കിൽ കസ്റ്റംസ് ജനറൽ അതോറിറ്റിയുടെ സാക്ഷ്യപത്രം വേണമെന്നും സെൻട്രൽ ബാങ്ക് അറിയിച്ചു.
