June 23, 2021
June 23, 2021
ദുബൈ: ജൂലൈ ആറ് വരെ യു.എ.ഇയിലേക്ക് സര്വീസ് ഉണ്ടാവില്ലെന്ന് എയര് ഇന്ത്യ. ട്വിറ്ററിലാണ് ഇക്കാര്യം അറിയിച്ചത്. യാത്രാനിബന്ധനകളില് അനിശ്ചിതത്വം നിലനില്ക്കുന്ന സാഹചര്യത്തിലാണ് തീരുമാനം. യു.എ.ഇയിലെ യാത്രാ നിയന്ത്രണങ്ങള് നിലനില്ക്കുന്നതിനാല് ജൂലൈ ആറ് വരെ വിമാനസര്വീസ് ഉണ്ടാവില്ലെന്നും കൂടുതല് വിവരങ്ങള് വെബ്സൈറ്റിലൂടെയും ട്വിറ്റര് പേജിലൂടെയും അറിയിക്കാമെന്നും യാത്രക്കാരുടെ സംശയത്തിന് മറുപടിയായി എയര് ഇന്ത്യ ട്വീറ്റ് ചെയ്യുകയായിരുന്നു.രണ്ട് ഡോസ് വാക്സിന് സ്വീകരിച്ചവര്ക്ക് ബുധനാഴ്ച മുതല് ദുബൈയിലേക്ക് മടങ്ങിയെത്താനാകുമെന്നായിരുന്നു പ്രതീക്ഷ. ഇന്ത്യ, ദക്ഷിണാഫ്രിക്ക, നൈജീരിയ എന്നീ രാജ്യങ്ങളില് നിന്നുള്ള യാത്രക്കാര്ക്ക് വാക്സിന് നിര്ബന്ധമാക്കിയതായി ശനിയാഴ്ചയാണ് ദുബൈ ദുരന്ത നിവാരണ സമിതി അറിയിച്ചത്. 23 മുതല് രണ്ട് ഡോസ് വാക്സിന് നിര്ബന്ധമാണെന്നായിരുന്നു അറിയിപ്പ്. ബുധനാഴ്ച മുതല് സര്വീസ് പുനരാരംഭിക്കുമെന്ന് എമിറേറ്റ്സും അറിയിച്ചതോടെ പ്രവാസികള് പ്രതീക്ഷയിലായിരുന്നു.