February 24, 2022
February 24, 2022
അബുദാബി : ഇന്ത്യയിൽ നിന്നെത്തുന്ന യാത്രക്കാർക്ക് റാപിഡ് പീ.സി.ആർ പരിശോധന വേണ്ടെന്ന ഇളവ് യു.എ.ഇ. യിലെ മുഴുവൻ വിമാനത്താവളങ്ങളിലും പ്രാബല്യത്തിൽ വന്നു. ആദ്യഘട്ടത്തിൽ ദുബായിലേക്കുള്ള യാത്രക്കാർക്ക് മാത്രമാണ് ഈ ഇളവ് ലഭിച്ചിരുന്നത്. പിന്നാലെ ഷാർജ, റാസൽഖൈമ വിമാനത്താവളങ്ങളിലും പീ.സി.ആർ പരിശോധന വേണ്ടെന്ന നിബന്ധന നിലവിൽ വന്നു. ഈ ഉത്തരവാണ് മുഴുവൻ വിമാനത്താവളങ്ങളിലേക്കും വ്യാപിപ്പിച്ചത്.
പീ.സി. ആർ പരിശോധന ഒഴിവാക്കിയ കാര്യം എയർ ഇന്ത്യ എക്പ്രസ്സ് സമൂഹമാധ്യമങ്ങളിലൂടെ ഔദ്യോഗികമായി സ്ഥിരീകരിച്ചു. അറബ് കമ്പനിയായ ഇത്തിഹാദ്, തങ്ങളുടെ വെബ്സൈറ്റിൽ നിന്നും 'പീ.സി. ആർ പരിശോധന' വേണമെന്ന നിബന്ധന ഒഴിക്കാക്കിയിട്ടുണ്ട്. യാത്രക്ക് ആറുമണിക്കൂർ മുൻപ് എടുത്ത പരിശോധനാ ഫലം വേണമെന്ന നിബന്ധനയാണ് പിൻവലിച്ചത്. അതേസമയം, 48 മണിക്കൂർ മുൻപെടുത്ത ആർടി പീ.സി. ആർ പരിശോധനാ ഫലം വേണമെന്ന നിബന്ധന മാറ്റമില്ലാതെ തുടരും.