February 09, 2022
February 09, 2022
ദുബായ് : താൽകാലിക വിസയിൽ രാജ്യത്തെത്തിയ വ്യക്തികൾ, സ്ഥിരലഭിക്കാൻ രാജ്യം വിടണമെന്ന നിബന്ധന യു.എ.ഇ പിൻവലിച്ചു. പകരം, 550 ദിർഹം അടച്ചാൽ നടപടിക്രമങ്ങൾ യു.എ.ഇ.യിൽ ഇരുന്നുകൊണ്ട് തന്നെ പൂർത്തിയാക്കാം. നിലവിലുള്ള വിസയുടെ കാലാവസ്ഥ തീരും മുൻപ് അപേക്ഷ സമർപ്പിക്കണമെന്നും, കാലാവധി തീർന്നാൽ വൈകിയ ദിവസങ്ങൾക്ക് അനുസൃതമായി പിഴ നൽകേണ്ടിവരുമെന്നും അധികൃതർ വിശദീകരിച്ചു.
സന്ദർശക, ടൂറിസ്റ്റ് വിസയിൽ എത്തിയവർ, തൊഴിൽ വിസയിൽ നിന്നും പുതിയ വിസയിലേക്ക് മാറുന്നവർ തുടങ്ങിയവർക്ക് ഈ സേവനം ഉപയോഗപ്പെടുത്താം.സന്ദർശക, ടൂറിസ്റ്റ് വിസയിൽ എത്തിയവർ കാലാവധി കഴിഞ്ഞുള്ള ആദ്യ ദിവസത്തിന് 200 ദിർഹവും പിന്നെയുള്ള ഓരോ ദിവസവും 100 ദിർഹം വീതവുമാണ് പിഴ ഒടുക്കേണ്ടത്. രാജ്യം വിടുന്ന ദിവസം പ്രത്യേക സേവനനിരക്കായി 100 ദിർഹം വേറെയും നൽകണം. തൊഴിൽ വിസയിൽ നിന്നും പുതിയ വിസയിലേക്ക് മാറുന്ന വ്യക്തികൾക്ക് 30 ദിവസത്തെ സമയമുണ്ട്. ഇതിനകം സ്പോൺസർ മാറ്റം സാധ്യമായില്ല എങ്കിൽ പിഴ അടക്കുകയോ രാജ്യം വിടുകയോ വേണം. വൈകുന്ന ആദ്യദിവസത്തിൽ 125 ദിർഹവും, പിന്നീടുള്ള ദിവസങ്ങളിൽ 25 ദിർഹം വീതവുമാണ് പിഴ. ആറ് മാസം കഴിഞ്ഞാൽ ദിനംപ്രതി 50 ദിർഹമായും, ഒരുവർഷം കഴിഞ്ഞാൽ 100 ദിർഹമായും പിഴ ഉയരും. കൂടുതൽ വിവരങ്ങൾക്ക് https://icp.gov.ae/en/ വെബ്സൈറ്റ് സന്ദർശിക്കാവുന്നതാണ്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക