March 09, 2022
March 09, 2022
അബുദാബി : വിദ്യാർത്ഥികൾക്കുള്ള കോവിഡ് സുരക്ഷാ മാനദണ്ഡങ്ങളിൽ നേരിയ മാറ്റങ്ങൾ വരുത്താൻ തീരുമാനിച്ചതായി അബുദാബി വിദ്യാഭ്യാസ വകുപ്പായ അഡെക് അറിയിച്ചു. വിശ്രമവേളകളിൽ കളിക്കാനും മറ്റുമായി ക്ലാസിൽ നിന്നും പുറത്തേക്ക് ഇറങ്ങുന്ന വിദ്യാർത്ഥികൾ മാസ്ക് ധരിക്കേണ്ടതില്ല എന്നതാണ് പുതിയ നിർദ്ദേശങ്ങളിൽ പ്രധാനപ്പെട്ടത്.
വിദ്യാലയങ്ങൾക്കുള്ളിലെ തുറസ്സായ ഇടങ്ങളിൽ ശാരീരിക അകലം പാലിക്കേണ്ടതില്ലെന്നും അറിയിപ്പിൽ പറയുന്നു. സ്കൂളുകളിൽ നടത്താറുള്ള കലാകായിക പരിപാടികൾ പുനരാരംഭിക്കാമെന്നും മന്ത്രാലയം അറിയിച്ചു. സ്കൂൾ ബസുകളിൽ 100 ശതമാനം വിദ്യാർത്ഥികൾക്ക് യാത്രചെയ്യാമെന്നും അധികൃതർ വ്യക്തമാക്കി. ഗ്രേഡ് 2 വിന് മുകളിലുള്ള എല്ലാ വിദ്യാർത്ഥികളും ക്ലാസിലുള്ളപ്പോൾ മാസ്ക് ധരിച്ചിരിക്കണം.
