December 01, 2021
December 01, 2021
ദുബായ് :യു.എ.ഇ നാളെ ദേശീയ ദിനം ആഘോഷിക്കാനിരിക്കെ,നാളെ ജനിക്കുന്ന കുഞ്ഞുങ്ങളെ കാത്തിരിക്കുന്നത് കൈനിറയെ സമ്മാനങ്ങൾ.സര്‍ക്കാര്‍, സ്വകാര്യ ആശുപത്രികളില്‍ നാളെ ജനിക്കുന്ന കുഞ്ഞുങ്ങള്‍ക്കാണ് ഈ അപൂർവ സമ്മാനങ്ങൾ ലഭിക്കുക.
ഇത്തരം കുഞ്ഞുങ്ങൾക്ക് ബേബി കാര്‍ സീറ്റുകളാണ് സൗജന്യമായി നല്‍കുന്നത്. ആര്‍ടിഎ, ദുബായ് ഹെല്‍ത്ത് അതോറിറ്റി, ദുബായ് പൊലീസ് എന്നിവ സംയുക്തമായാണ് മൈ ചൈല്‍ഡ്‌സ് ഗോള്‍ഡന്‍ ജൂബിലി ഗിഫ്റ്റ് എന്ന പദ്ധതി ആരംഭിച്ചത്. ദുബായിയിലെ 21 ആശുപത്രികളിലായി 450 കാര്‍ സീറ്റുകളാണ് വിതരണം ചെയ്യുന്നത്. നാലു വയസുവരെ ഇവ ഉപയോഗിക്കാം.
റോഡ് സുരക്ഷാ ബോധവത്കരണം, സമൂഹത്തില്‍ ജാഗ്രത സൃഷ്ടിക്കുക തുടങ്ങിയ ലക്ഷ്യങ്ങളോടെയാണ് പദ്ധതി നടപ്പിലാക്കുന്നത്. യുഎഇയിലെ സര്‍ക്കാര്‍ വകുപ്പുകളെല്ലാം പദ്ധതിയില്‍ സഹകരിക്കുമെന്നാണ് ഔദ്യോഗിക വൃത്തങ്ങള്‍ അറിയിക്കുന്നത്.
ന്യൂസ്‌റൂമിൽ പരസ്യം ചെയ്യാൻ +974 33450597 എന്ന നമ്പറിൽ വിളിക്കുക
