November 29, 2021
November 29, 2021
ദുബായ് : 2022ല് പ്രധാനമന്ത്രി നരേന്ദ്രമോദി നടത്തുന്ന ആദ്യ വിദേശയാത്ര യു.എ.ഇ(യിലേക്ക്.2022 ജനുവരിയിലായിരിക്കും പ്രധാനമന്ത്രി യു.എ.ഇ സന്ദർശിക്കുക.. ദുബായ് എക്സ്പോയില് ഇന്ത്യ ഒരുക്കിയ പവലിയന് സന്ദര്ശിക്കുകയാണ് മുഖ്യലക്ഷ്യം. യു.എ.ഇ ഭരണാധികാരികളുമായി ചര്ച്ചയും നടത്തും.
സ്വാതന്ത്ര്യത്തിന്റെ 75-ാം വാര്ഷികാഘോഷങ്ങളുടെ ഭാഗമായി ഇന്ത്യയുടെ നേട്ടങ്ങള് പ്രദര്ശിപ്പിക്കുന്ന 4 നിലകളുള്ള കൂറ്റന് പവലിയനാണ് ദുബായ് എക്സ്പോയില് ഇന്ത്യ ഒരുക്കിയത്. ഇതിനകം നാല് ലക്ഷത്തിലധികം പേര് ഈ പ്രദര്ശനം സന്ദര്ശിച്ചു.
നേരത്തെ 2015, 2018, 2019 എന്നീ വര്ഷങ്ങളില് മോദി യു.എ.ഇ സന്ദര്ശിച്ചിരുന്നു. രാജ്യത്തെ ഉയര്ന്ന സിവില് ബഹുമതിയായ ഓര്ഡര് ഓഫ് സായിദും മോദിക്ക് ലഭിച്ചിട്ടുണ്ട്. വിദേശകാര്യ മന്ത്രി ഡോ. എസ്. ജയശങ്കര് ഈ മാസം ആദ്യം ദുബായ് എക്സ്പോയിലെ ഇന്ത്യന് പവലിയന് സന്ദര്ശിച്ചിരുന്നു. യു.എ.ഇയിലെ ഉന്നത ഭരണാധികാരികളുമായി കൂടിക്കാഴ്ചയും നടത്തിയിരുന്നു.
ന്യൂസ്റൂം വാർത്തകൾ ലഭിക്കാൻ +974 33450 597 വാട്സ്ആപ് നമ്പറിൽ സന്ദേശമയക്കുക