October 18, 2022
October 18, 2022
ന്യൂസ്റൂം ബ്യുറോ
ദുബായ് : പുതിയ മോഹൻലാൽ ചിത്രമായ മോണ്സ്റ്ററിന് യുഎഇ ഒഴികെയുള്ള ജിസിസി രാജ്യങ്ങളിൽ വിലക്കേർപ്പെടുത്തിയതായി റിപ്പോർട്ട്.സമൂഹ വിരുദ്ധ ഉള്ളടക്കത്തിന്റെ പേരിലാണ് വിലക്കെന്നാണ് ഇതുവരെ ലഭ്യമായ വിവരം. ലോകവ്യാപകമായി 21നു സിനിമ റിലീസ് ചെയ്യാനിരിക്കെയാണ് അഞ്ച് ജിസിസി രാജ്യങ്ങളിലും പ്രദർശന വിലക്കുള്ള കാര്യം പുറത്തുവരുന്നത്.
പ്രഖ്യാപന സമയം മുതല് ഏറെ ശ്രദ്ധനേടിയ മലയാള ചിത്രമാണ് മോണ്സ്റ്റര്. മലയാളത്തിലെ ആദ്യ 100 കോടി ക്ലബ്ബ് ചിത്രമായ പുലിമുരുകന് സംവിധാനം ചെയ്ത വൈശാഖും മോഹന്ലാലും വീണ്ടും ഒന്നിക്കുന്നു എന്നത് തന്നെ ആയിരുന്നു പ്രധാന ആകർഷണം. പുലിമുരുകന്റെ തിരക്കഥാകൃത്ത് ഉദയകൃഷ്ണ തന്നെയാണ് മോണ്സ്റ്ററിന്റെയും രചന.
ലക്കി സിങ്ങായി മോഹൻലാൽ അഭിനയിക്കുന്ന ചിത്രത്തിൽ ലക്ഷ്മി മഞ്ചു, ലെന, ഹണി റോസ്, സിദ്ദിഖ്, സുദേവ് നായർ, കെ.ബി. ഗണേഷ് കുമാർ, ജെസ് സ്വീജൻ എന്നിവരും അഭിനയിക്കുന്നു.
എൽജിബിടിക്യു സമൂഹവുമായി ബന്ധപ്പെട്ട ഉള്ളടക്കത്തിന്റെ പേരിലാണ് വിലക്കെന്നാണ് വിവരം. ലോകവ്യാപകമായി 21ന് ചിത്രം റിലീസ് ചിത്രം ചെയ്യാനിരിക്കെയാണ് തിരിച്ചടി. അവശ്യമായ മാറ്റങ്ങൾ വരുത്തി ജിസിസി രാജ്യങ്ങളിൽ ചിത്രം റീ സെൻസറിങ്ങിന് നൽകാനുള്ള ഒരുക്കത്തിലാണ് അണിയറ പ്രവർത്തകർ. യുഎഇയിൽ ചിത്രം 21ന് തന്നെ റിലീസ് ചെയ്യുമോയെന്ന കാര്യത്തിൽ അന്തിമ തീരുമാനം ഉടൻ ഉണ്ടാകും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/KYKm2u8nQZBBNg2J0Y6mez എന്ന ലിങ്കിൽ ജോയിൻ ചെയ്യുക