January 13, 2022
January 13, 2022
ദോഹ : ഉല്പന്നത്തിന്റെ തിയ്യതിയിൽ കൃത്രിമം കാണിച്ച കമ്പനി ഒരുമാസത്തേക്ക് അടച്ചിടാൻ ഉത്തരവ്. മുന്തസ മേഖലയിലെ 'എലൈറ്റ് എഫ് ആൻഡ് ബി കമ്പനിക്കെതിരെയാണ് വ്യവസായ മന്ത്രാലയം നടപടി സ്വീകരിച്ചത്.
കാലാവധി കഴിഞ്ഞ ഉത്പന്നങ്ങളുടെ തിയ്യതിയുടെ മുകളിലായി പുതിയ തിയ്യതിയുടെ സ്റ്റിക്കർ പതിപ്പിച്ചതായി അന്വേഷണത്തിൽ കണ്ടെത്തുകയായിരുന്നു. 2008 ലെ ഉപഭോക്താക്കളുടെ അവകാശങ്ങളെ സംബന്ധിച്ചുള്ള എട്ടാം നിയമം ലംഘിക്കപ്പെട്ടതായി അന്വേഷണത്തിൽ കണ്ടെത്തിയെന്ന് ഉദ്യോഗസ്ഥർ അറിയിച്ചു. തുടർന്നും പരിശോധനകൾ നടത്തുമെന്നും, നിയമലംഘനങ്ങൾ ശ്രദ്ധയിൽ പെട്ടാൽ കടുത്ത നടപടി സ്വീകരിക്കുമെന്നും മന്ത്രാലയം വ്യക്തമാക്കി.
