August 24, 2022
August 24, 2022
ദോഹ : ഖത്തറിന്റെ തെക്കൻ പ്രവിശ്യയായ വക്ര,വുഖൈർ ഭാഗങ്ങളിൽ കഴിഞ്ഞ ദിവസം മുഴങ്ങിക്കേട്ട ഉഗ്രശബ്ദം അമീരി വ്യോമസേനയുടെ പരിശീലനത്തിന്റെ ഭാഗമായിരുന്നുവെന്ന് പ്രതിരോധ മന്ത്രാലയം അറിയിച്ചു.ഇന്നലെയാണ് ഈ ഭാഗങ്ങളിലെ പ്രദേശവാസികൾ ഉഗ്രശബ്ദം കേട്ട് പരിഭ്രാന്തരായത്.പലരും വീടുകളിൽ നിന്നും ഓഫീസുകളിൽ നിന്നും പുറത്തിറങ്ങി അന്വേഷിച്ചെങ്കിലും കാരണം കണ്ടെത്തിയിരുന്നില്ല.
"ആദ്യം ഭൂമി കുലുക്കമാണെണെന്നാണ് കരുതിയത്.ഞാൻ ജോലി ചെയ്യുന്ന കടയിലെ ചില്ലുകൾ വലിയ ശബ്ദത്തിൽ കുലുങ്ങി.പല സാധനങ്ങളും താഴേക്ക് വീണു.."
വുഖൈറിൽ നിന്നും മൊബൈൽ ഫോണിൽ ബന്ധപ്പെട്ട മലയാളി ന്യൂസ്‌റൂമിനോട് പറഞ്ഞു.
കഴിഞ്ഞ ദിവസം രാവിലെയാണ് ഉഗ്രശബ്ദം കേട്ടതെങ്കിലും വൈകുന്നേരം വളരെ വൈകിയാണ് അധികൃതർ ഇതു സംബന്ധിച്ച വിശദീകരണം നൽകിയത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാനും പരസ്യങ്ങൾ നൽകാനും ബന്ധപ്പെടുക : +974 33450597.ഫെയ്‌സ്ബുക്കിൽ വാർത്തകൾ ലഭിക്കാൻ https://www.facebook.com/groups/Newsroomcluഎന്നലിങ്കിൽ ജോയിൻ ചെയ്യുക
