September 12, 2022
September 12, 2022
ന്യൂസ്റൂം ബ്യുറോ
ദോഹ: ഖത്തറിലെ ലോക കപ്പ് സ്റ്റേഡിയങ്ങളിൽ ലോകത്തെ വമ്പന്മാർ തമ്മിലുള്ള പോര് മുറുകുമ്പോൾ ഫാൻസ് വില്ലേജിൽ ലോകകപ്പിന്റെ മിനി അരങ്ങേറ്റം.ഫുട്ബാൾ ആരാധകർക്കായി ഒരുക്കിയിട്ടുള്ള ഫാൻസ് വില്ലേജിലാണ് ഫാൻസ് കപ്പ് എന്ന പേരിൽ മിനി ലോകകപ്പിന് വിസിൽ മുഴങ്ങുക.
32 ലോക കപ്പ് ടീമുകളുടെയും ആരാധകരാണ് ഫാൻസ് കപ്പിൽ മാറ്റുരക്കുക.ടീമുകളുടെ ഫാൻസ് ക്ലബ്ബുകളായിരിക്കും ഇവിടെ മാറ്റുരക്കുക.അതേസമയം,അർജന്റീനയുടെയും ബ്രസിലിന്റെയും മലയാളികളായ ഫാൻസിന് ടൂർണമെന്റിൽ കളിക്കാൻ അവസരം ഉണ്ടാകില്ല -- അതാത് ടീമുകളുടെ രാജ്യത്തെ പൗരന്മാർക്കും താമസക്കാർക്കും മാത്രം പങ്കെടുക്കാമെന്ന് സുപ്രീം കമ്മിറ്റി അറിയിച്ചു.
അൽ ബിദ പാർക്കിലെ ഫിഫ ഫാൻ ഫെസ്റ്റിവലിൽ നവംബർ 29 മുതൽ ഡിസംബർ രണ്ട് വരെയുള്ള നാല് ദിവസങ്ങളിലാണ് ഫാൻസ് കപ്പ് മത്സരങ്ങൾ അരങ്ങേറുക. ഗ്രൂപ്പ് മത്സരങ്ങൾ അടക്കം ലോക കപ്പിന്റെ അതേ ഘടനയിലായിരിക്കും ഫാൻസ് കപ്പ്
പതിനെട്ട് വയസ്സിന് മുകളിലുള്ളവർക്ക് കളിക്കാമെന്നും കളിക്കാരുടെ വിമാന ടിക്കറ്റും താമസവും മറ്റു ചിലവുകളും നൽകില്ലെന്നും ലോക കപ്പ് ടിക്കറ്റ് ലഭിച്ചവരായിരിക്കണം കളിക്കാരെന്നും സുപ്രീം കമ്മിറ്റി അറിയിച്ചു.
വിജയികൾക്കുള്ള ട്രോഫിയും സമ്മാനങ്ങളും പിന്നീട് പ്രഖ്യാപിക്കും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/CnQu0Sm89HsFGubs4fWsFeഎന്ന ലിങ്കിൽ ജോയിൻ ചെയ്യുക