January 29, 2022
January 29, 2022
ദോഹ : കേരളത്തിലെ പ്രധാന യൂണിവേഴ്സിറ്റികളിൽ ഒന്നായ എം.ജി യൂണിവേഴ്സിറ്റിയുടെ സേവനം ഇനി ഖത്തറിലും. ഖത്തറിൽ സെന്റർ തുടങ്ങാനുള്ള അപേക്ഷ യു.ജി.സി സ്വീകരിച്ചതായി എംജി യൂണിവേഴ്സിറ്റി അധികൃതർ അറിയിച്ചു. സയൻസ്, ഹ്യൂമാനിറ്റീസ് തുടങ്ങിയ മേഖലയിലെ കോഴ്‌സുകളാവും കേന്ദ്രത്തിൽ ആരംഭിക്കുക എന്നാണ് പ്രാഥമിക റിപ്പോർട്ടുകൾ സൂചിപ്പിക്കുന്നത്.
കഴിഞ്ഞ നവംബറിലാണ് ഇന്ത്യൻ എംബസി മുഖേന ഖത്തർ, എം.ജി യൂണിവേഴ്‌സിറ്റിയെ സമീപിച്ചത്. കെട്ടിടം നിർമിക്കാനും, നടത്തിപ്പിനും ആവശ്യമായ തുക ഖത്തർ ഗവണ്മെന്റ് ചെലവഴിക്കും. ക്യാമ്പസ് തുടങ്ങുന്നതുള്ള മാർഗ്ഗനിർദ്ദേശങ്ങൾ നൽകാൻ പ്രോ വൈസ് ചാൻസലറായ സി.ടി.അരവിന്ദാക്ഷന്റെ നേതൃത്വത്തിലുള്ള വിദഗ്ധ സംഘത്തെ നിയോഗിച്ചതായി എം.ജി യൂണിവേഴ്സിറ്റി അറിയിച്ചു. നിരവധി കേന്ദ്ര-സംസ്ഥാന മന്ത്രാലയങ്ങളുടെ നിരന്തര ഇടപെടലിലൂടെയാണ് യു.ജിസി ഖത്തറിൽ സെന്റർ തുടങ്ങാൻ അനുമതി നൽകിയത്.
