November 07, 2021
November 07, 2021
ഉമ്മുല്ഖുവൈന്: യുഎഇയിലെ ഉമ്മുല്ഖുവൈനില് പെര്ഫ്യൂം ഫാക്ടറിയില് തീപിടിത്തം. ശനിയാഴ്ചയാണ് ഫാക്ടറിയില് തീ പടര്ന്നുപിടിച്ചത്. ഉമ്മുല് തൂബ് വ്യവസായ മേഖലയിലെ ഫാക്ടറിയിലാണ് അഗ്നിബാധ ഉണ്ടായത്.സംഭവത്തിൽ ആളപായമുണ്ടായിട്ടില്ലെന്നാണ് റിപ്പോർട്ട്.
സിവില് ഡിഫന്സ് സംഘമെത്തി തീ നിയന്ത്രണവിധേയമാക്കി. തീപിടിത്തത്തെ തുടര്ന്ന കറുത്ത പുക പ്രദേശത്താകെ വ്യാപിച്ചിരുന്നു. കിലോമീറ്ററുകള് അകലെ വരെ പുക ദൃശ്യമായിരുന്നു. സെപ്തംബറിലും ഇതേ മേഖലയില് തീപിടിച്ചിരുന്നു. ടയര് ഫാക്ടറിയിലാണ് അന്ന് തീപിടിച്ചത്. ഉമ്മുല്ഖുവൈന്, റാസല്ഖൈമ, അജ്മാന്, ഷാര്ജ എന്നിവിടങ്ങളില് നിന്നുള്ള അഗ്നിശമനസേന അംഗങ്ങള് ആറ് മണിക്കൂറിലേറെ പരിശ്രമിച്ചാണ് അന്ന് തീയണച്ചത്. 2016ല് ഉമ്മുല് തൂബ് വ്യവസായ മേഖലയിലെ ഒരു പെര്ഫ്യൂം ഫാക്ടറി കത്തി നശിച്ചിരുന്നു.
ന്യൂസ്റൂം വാർത്തകൾ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക