July 12, 2021
July 12, 2021
മണ്ണാര്‍ക്കാട്: നിരവധി കേസുകളിലെ പ്രതിയായ യുവാവിനെ വെടിയേറ്റു മരിച്ച നിലയില്‍ കണ്ടെത്തി. തിരുവിഴാംകുന്ന് അമ്പലപ്പാറയില്‍ ഇരട്ടവാരി പറമ്പന്‍ സജീര്‍ എന്ന ഫക്രുദീനാണ് (24) മരിച്ചത്.
ഇയാളുടെ സുഹൃത്തിനായി തിരച്ചില്‍ ഊര്‍ജിതമാക്കി. ഇന്നലെ രാത്രി 10 മണിയോടെയാണ് സംഭവം. അമ്പലപ്പാറ ക്ഷേത്രത്തിന് സമീപം പുഴക്ക് അക്കരെയുള്ള തോട്ടത്തിലെ ഷെഡിലാണ് യുവാവിനെ മരിച്ച നിലയില്‍ കണ്ടെത്തിയത്. ഒപ്പമുണ്ടായിരുന്ന സുഹൃത്ത് മഹേഷ് താനാണ് സജീറിനെ കൊലപ്പെടുത്തിയതെന്ന് സുഹൃത്തിനെ ഫോണില്‍ വിളിച്ചറിയിച്ചിരുന്നു.മഹേഷ് വിഷം കഴിച്ചിട്ടുണ്ടെന്നും ഇയാള്‍ പറഞ്ഞിരുന്നതായി സുഹൃത്ത് സാദിഖ് പൊലിസിനോട് പറഞ്ഞു. ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം പോസ്റ്റുമോര്‍ട്ടത്തിനായി മണ്ണാര്‍ക്കാട്ടേക്ക് മാറ്റും. മഹേഷിനും, സജീറിനുമെതിരെ നേരത്തെ നിരവധി കേസുകള്‍ ഉണ്ടെന്ന് പൊലിസ് അറിയിച്ചു.
