March 13, 2022
March 13, 2022
അബുദാബി : പഠനരംഗത്തെ മികവിലൂടെ മലയാളി വിദ്യാർത്ഥിക്ക് യു.എ.ഇ ഗോൾഡൻ വിസ. മഖ്ബൂൽ അഹമ്മദിന്റെയും അനിതയുടെയും മകനായ അമാൻ മഖ്ബൂലാണ് ഗോൾഡൻ വിസയ്ക്ക് അർഹനായത്. ഷാർജയിൽ പ്ലസ്ടു പഠനം പൂർത്തിയാക്കിയ മഖ്ബൂൽ, നിലവിൽ മണിപ്പാൽ അക്കാദമി ഓഫ് ഹയർ എഡ്യൂക്കേഷനിൽ ബി.എസ്.സി ഇൻഫർമേഷൻ സയൻസ് ആൻഡ് ടെക്നോളജി വിദ്യാർഥിയാണ്.
കഴിഞ്ഞ 20 വർഷമായി യു.എ.ഇ യിലാണ് മഖ്ബൂലിന്റെ കുടുംബം. ഷാർജയിലെ ഡൽഹി പ്രൈവറ്റ് സ്കൂളിലായിരുന്നു പഠനം. സി.ബി.എസ്.സി പത്താം തരം പരീക്ഷയിൽ 94.2 ശതമാനം മാർക്ക് നേടിയ മഖ്ബൂൽ, പ്ലസ് ടു വിന് 95 ശതമാനം മാർക്കാണ് സ്വന്തമാക്കിയത്. മാതാപിതാക്കളുടെ അകമഴിഞ്ഞ പിന്തുണയാണ് തന്റെ വിജയരഹസ്യമെന്നാണ് മഖ്ബൂൽ പ്രതികരിച്ചത്. ആയാൻ ഇളയ സഹോദരനാണ്.